Прокурорлар оқушылармен интернет-алаяқтыққа қарсы іс-қимыл бойынша профилактикалық кездесу өткізді
«Заң мен Тәртіп» идеологиясын іске асыру аясында Астана қаласының прокуратурасы №97 мектеп-гимназиясының оқушыларымен интернет-алаяқтыққа және дропперлікке қарсы іс-қимыл мәселелері бойынша профилактикалық кездесу өткізді, деп хабарлайды astana-akshamy.kz.
Кездесу барысында оқушыларға интернет-алаяқтықтың кең таралған схемалары, әлеуметтік желілер мен банк сервистерін пайдалану кезіндегі сақтық шаралары, сондай-ақ дропперлік схемаларға қатысқаны және қылмыстық құқық бұзушылықтар жасағаны үшін жауапкершілік түсіндірілді.
Жастар арасындағы киберқылмыстың алдын алу және заңға бағынатын мінез-құлықты қалыптастыру мәселелеріне ерекше назар аударылды.
Астана қаласының прокуратурасы кәмелетке толмағандардың құқықтық сауаттылығын арттыруға бағытталған профилактикалық жұмысты жалғастырады.
