Елорданың Сарыарқа ауданы әкімдігінде кәмелетке толмағандардың істері жөніндегі комиссияның кезекті отырысы өтті.
Комиссияның негізгі мақсаты – балалардың құқығын қорғау, олардың заңды мүддесін қамтамасыз ету, өмірде қиын жағдайға тап болған жасөспірімдерге қолдау көрсету, сондай-ақ құқық бұзушылықтың алдын алу шараларын жүйелі түрде үйлестіру.
Отырыста жасөспірімдердің өмір сүру салты, тәртібіне қатысты 2 іс қаралды. Бұл істердің әрқайсысы – бала тағдырына тікелей әсер ететін маңызды мәселелер. Сондықтан мұндай жағдайлардың алдын алу үшін комиссия мүшелері, мемлекеттік органдар, білім беру және денсаулық сақтау мекемелері, құқық қорғау органдары өзара тығыз жұмыс жүргізеді.
