«Банк Центр Кредит» АҚ ұжымымен Қазақстан Республикасының жаңа Конституциясының ережелерін талқылауға арналған кездесу өтті, деп хабарлайды astana-akshamy.kz.
Кездесудің спикері – «Атамекен» ҰКП Астана қалалық Іскер әйелдер кеңесінің төрайымы Кульмагамбетова Жанаргүл Жұмабайқызы.
Кездесу барысында Конституциядағы негізгі өзгерістер мен бастамалар, олардың қоғам мен мемлекет дамуына әсері жан-жақты талқыланды.
Қатысушылар конституциялық реформалардың елдің әлеуметтік-экономикалық дамуына, азаматтық қоғамның нығаюына және бизнестің дамуына тигізетін маңызын атап өтті. Сондай-ақ азаматтардың қоғамдық өмірге белсенді қатысуының рөлі туралы пікір алмасты.
Осындай кездесулер құқықтық мәдениетті арттыруға және қоғамда ашық әрі сындарлы диалог қалыптастыруға ықпал етеді.
