Астана қаласының Сарайшық ауданы бойынша Белсенді ұзақ өмір сүру орталығында Қазақстан Республикасының жаңа Конституциясына арналған кездесу өтті, деп хабарлайды astana-akshamy.kz.
«Әділетті және прогрессивті Қазақстанның халықтық Конституциясы үшін!» бастамасы аясында Астана қалалық жалпыұлттық коалиция штабының өкілдері қатысушыларға Ата заңның негізгі ережелері мен өзгерістерін жан-жақты түсіндірді.
Делегация құрамында Астана қаласы мәслихатының депутаты Мадина Әжікенова, AMANAT партиясы Астана қалалық филиалы саяси бөлімінің басшысы, ақын-жазушы Әбдіғани Бәзілханұлы, «Ақ жол» партиясының мүшесі Бауржан Джангунаков, «Respublica» партиясының мүшесі, фракцияның менеджер-талдаушысы Жақсылық Киікбаев, сондай-ақ «Турсын Астана – 2» МИБ төрағасы Қуаныш Оспанов болды.
Кездесу барысында қатысушылар өздерін толғандырған сұрақтарын қойып, толыққанды жауап алды. Іс-шара ашық диалог форматында өтті.
