Ішкі істер министрлігі «Заң мен тәртіп» жаңа цифрлық сервисті іске қосты. Egov Mobile қосымшасында осы атаумен арнайы батырма орналастырылған. Оны бассаңыз – полицияға шағым жолдауға арналған форма бірден ашылады, деп хабарлайды astana-akshamy.kz
Енді құқық бұзушылық, тұрмыстық зорлық-зомбылық, жол апаты, балаға қатысты оқыс жағдай немесе қоғамдық тәртіпті бұзу туралы полицияға бір ғана батырма арқылы хабар беруге болады. Қоңырау шалудың немесе бөлімшеге барудың қажеті жоқ.
Жолданған өтініш жедел қабылданып, тәртіп сақшылары дереу шара қолданады.
