Астанадағы «Ramada» қонақүйі ұжымымен Жаңа Конституция нормаларын түсіндіру аясында кездесу өтті. Ашық форматта еңбек ұжымына жобаның негізгі баптары мен алдағы конституциялық өзгерістердің басты бағыттары таныстырылды, деп хабарлайды astana-akshamy.kz.
«Ramada» — Астана қаласында орналасқан 4 жұлдызды халықаралық қонақүй, қонақүй қызметтерінің кең спектрін, оның ішінде тұру, іс-шараларды ұйымдастыру және ресторандық қызмет көрсетуді қамтамасыз етеді.
Кездесу барысында заңдылық, әлеуметтік әділеттілік қағидаттарын нығайту және елдің тұрақты әлеуметтік-экономикалық дамуын қамтамасыз етуге бағытталған бастамалар егжей-тегжейлі түсіндірілді. Конституциялық реформалардың туризм саласын дамытудағы және азаматтардың қоғамдық-саяси өмірдегі рөлін арттырудағы маңызы атап өтілді.
«Әділетті және прогрессивті Қазақстанның халықтық Конституциясы үшін!» Жалпыұлттық коалициясының Астана қалалық филиалының өкілі Сұңқар Хангельдина: «Реформалар шешім қабылдау механизмдерін айқын етіп, басқаруға деген сенімділікті күшейтеді. Әрбір қызметкер өзгерістердің жұмысына және саланың дамуына қалай әсер ететінін түсінуі маңызды» деп атап өтті.
Кездесу конструктивті және достық атмосферада өтті, қатысушылар өз пікірлерімен бөлісті және қызықтырған сұрақтарын қойды.
