Астананың Нұра ауданында полиция және аудан әкімі аппаратының қызметкерлері «Заң мен тәртіп» қағидаты аясында профилактикалық жұмыс жүргізді, деп хабарлайды astana-akshamy.kz.
Рейд барысында кәмелетке толмағандар арасында ҚР заңнамасын бұзу бойынша 8 факті анықталды.
Барлық заңды өкілдер ҚР ӘҚБтК—нің 442-бабы 2-бөлігі бойынша әкімшілік жауапкершілікке тартылды, яғни кәмелетке толмағандар түнгі уақытта ересектерсіз жүрген. Сонымен қатар аудан аумағында орналасқан ИВИ, БХБ және «Хан Шатыр« түнгі мекемелерінде тексеру жүргізілді.
«Құрметті ата-аналар, сақ болыңыз! Балалардың қауіпсіздігі мен бақылауы біздің ортақ жауапкершілігіміз екенін еске саламыз»,-дейді полиция қызметкерлері.
