Астанада халықтың қауіпсіз ауызсу мен санитарияға тең қолжетімділігін қамтамасыз ету мәселелеріне арналған Ұлттық отырыс өтті. Іс-шара мемлекеттік органдар мен халықаралық ұйымдардың қолдауымен ұйымдастырылды, деп хабарлайды astana-akshamy.kz
Құрылыс және ТКШ істері комитеті төраға орынбасары Нұрсұлтан Керемқұлов халық үшін сумен жабдықтау және санитария қызметтерінің сапасын арттырудың маңыздылығын атап өтіп, барлық мүдделі тараптардың белсенді өзара іс-қимылы қажеттігін ерекше атап көрсетті. Отырыста денсаулық сақтау саласының өкілдері мен салалық сарапшылар қатысты.
Қатысушылар саланың қазіргі жағдайын талқылап, тәжірибелерімен және ұсыныстарымен бөлісті. Олар өңірлер арасындағы қолжетімділіктегі алшақтықты қысқартуға, сондай-ақ барлық азаматтар санаттары үшін тең жағдай жасауды қамтамасыз етуге бағытталған бастамаларды қарастырды.
Отырыстың қорытындысы бойынша ұсыныстар әзірленіп, Қазақстандағы сумен жабдықтау және санитария саласындағы бірлескен бастамаларды іске асыруға негіз болатын алдағы қадамдар айқындалды.
