Елорданың NGS Astana жаңа буын мектебінде ағылшын тілінен интеллектуалды SAT English Challenge конкурсының аудандық кезеңі өтті, деп хабарлайды astana-akshamy.kz.
«Астана дарыны» – дарынды балалар мен талантты жастарды анықтау және қолдау орталығының жетекшісі Жанар Бейсенбаеваның айтуынша, конкурс алғаш рет New Generation School of Astana мектебімен бірлесе отырып ұйымдастырылды.
Аудандық кезеңге қатысу үшін мектептегі іріктеу кезеңінде ең жоғары көрсеткішке ие болған 630-дан астам оқушы жиналды.
Қатысушылар үш лигаға бөлінді:
• League A және B (6-9 сыныптар)
• League C (10-11 сыныптар)
Бірінші кезеңнің нәтижесі бойынша әр лигаға 200-ден астам қатысушы іріктелді.
«Конкурсты аудиториялар бойынша ағымдармен ұйымдастырдық. Бір аудиторияда бір уақытта 20 қатысушыдан аспайды», – деді Жанар Бейсенбаева.
Конкурс тек ағылшын тілінде, SAT Style форматында, жазбаша түрде және әр қатысушыға жеке өткізілді.
«Әр оқушы тапсырмаларды жеке жауап парағына өз бетінше орындайды», – деп атап өтті «Астана дарыны» орталығының жетекшісі.
Аудандық кезеңде SAT Style форматында 50 тапсырма берілді, олар шағын мәтіндерден тұрады және мыналарды қамтиды:
• академиялық оқу (academic reading);
• мәтіндерді талдау;
• контекстегі лексика;
• жазбаша мәтінді түсіну;
• логикалық және мағыналық байланыстар;
• ақпаратты интерпретациялау;
• сыни ойлау.
Жобаның үш кезеңі бар:
• Writing – мектептік кезең 2025 жылғы 29 қыркүйекте өтті;
• Reading & Vocabulary – аудандық кезең 24 қаңтарда өтті;
• Essay & Public Speaking – қалалық финал биыл мамырда өтеді.
Reading & Vocabulary турының ұзақтығы орта есеппен 60-70 минутты құрайды, бұл түпнұсқа емтихан форматына сәйкес келеді.
Оқушылардың жұмысын академиялық ағылшын тілі саласындағы жетекші мамандар бағалайды, олар «Астана дарыны» орталығының шақыруымен қатысады.
Айта кету керек, SAT English Challenge – SAT Style форматында ағылшын тілінен интеллектуалды конкурс, ол академиялық ағылшын тілін; халықаралық білім беру стандарттарын; сыни ойлауды дамытуға бағытталған.
«Конкурс оқушыларға халықаралық емтихандарға жақын интеллектуалды жарыстарда өз мүмкіндіктерін сынауға мүмкіндік береді, академиялық және сыни ойлауды дамытады, дарынды балаларды анықтауға жәрдемдеседі және оларды жаһандық білім беру ортаға дайындайды», – деп түйіндеді Жанар Бейсенбаева.
