Астана қаласы Мемлекеттік кірістер департаменті жаңа Салық кодексі аясында жаңартылған арнаулы салық режимі енгізілгенін хабарлайды.
Бұл режим оңайлатылған декларация негізінде жұмыс істейді. Арнаулы салық режимін қолданудың шарттары мынадай: табыс 600000 АЕК немесе 2595000000 теңгеден аспайды; режимді қолдануға тыйым салынған қызмет түрлерін жүзеге асырмайды (Қазақстан Республикасы Үкіметінің 2025 жылғы 14 қарашадағы №970 қаулысы); сондай-ақ әлеуметтік салық және қосылған құн салығы (ҚҚС) төлеушісі болып табылмайды.
Мәслихаттың 2025 жылғы 28 қарашағы №349/46-VIII шешімімен Астана қаласы бойынша салық ставкасы 3%-ды құрайды. Арнаулы салық режимін қолдануға басқа заңды тұлғалардың үлесі 25 пайыздан астам болатын заңды тұлғалар; құрылтайшысы немесе қатысушысы бір уақытта АСР қолданатын басқа заңды тұлғалар құрылтайшысы немесе қатысушысы болып табылатын заңды тұлғалар; құрылтайшысы немесе қатысушысы АСР қолданатын заңды тұлғалар; арнаулы салық режимін қолданатын заңды тұлғалар құрылтайшысы немесе қатысушысы болып табылатын салық төлеушілер (жеке тұлғалар, жеке кәсіпкерлер); коммерциялық емес ұйымдар; арнайы экономикалық және индустриалды аймақтардың, «Астана хаб» қатысушылары; бірлескен қызмет туралы келісімдер бойынша қызметті жүзеге асыратын салық төлеушілер құқылы емес.
Арнаулы салық режимі негізіндегі оңайлатылған декларацияны қолдану үшін салық кезеңі жарты жылды құрайды. Толығырақ ақпаратты 1414/3 нөміріне хабарласу арқылы немесе @astana_mkd_dgd_astana Instagram парақшасы бойынша ала аласыздар.
Қымбат ИСЕНОВА,
Астана қаласы бойынша
Мемлекеттік кірістер департаменті түсіндіру жұмысы басқармасының басшысы
