Қытайлық энергетиктер Маңғыстау облысында күн электр станциясының құрылысын жалғастырып жатыр. Жобаның 80%-ы аяқталғанын жоба менеджері Чжан Пэн мәлімдеді. Нысанды іске қосу 30 қыркүйекке жоспарланған, деп хабарлайды astana-akshamy.kz.
Станцияның қуаты – 20 МВт. Ол жылына 25 миллион киловатт-сағат электр өндіреді. Бұл шамамен 6 мың үйді немесе 17 мың адам тұратын бір ауылды жарықпен қамтуға жеткілікті. Жоба Батыс Қазақстандағы энергия жүйесіне түсетін жүктемені азайтады.
Сонымен қатар, жоба іске қосылған соң көмірқышқыл газының шығарындылары жылына 2 500 тоннаға дейін қысқарады. Бұл Қазақстан үшін маңызды, өйткені елдегі электр қуатының негізгі бөлігі әлі де көмірмен жұмыс істейтін электр станцияларынан алынады.
