AqylTech және IT-Aiel бағдарламаларына қатысуға 11 мыңнан астам адам, негізінен әйелдер мен жастар тіркелді. 5 мыңға жуық қатысушы оқудан өтті, оның ішінде 1 334 әйел жаңа кәсіп алды немесе табысын едәуір арттырды, деп хабарлайды astana-akshamy.kz.
«Біз күн сайын қыздардың ірі компанияларға орналасып, жаңа мамандықтар тауып жатқанын естиміз. Біреулер бұрынғы қызметін IT бағытпен қатар алып жүреді. Жалпы, бағдарламаға қатысушылардың 36%-ы айтарлықтай нәтижелерге қол жеткізді», – деді TechnoWomen кеңесінің мүшесі Алуа Көрпебаева ОКҚ алаңында өткен баспасөз конференциясында.
Сонымен қатар Алуа Көрпебаева бағдарламаға қатысушылар меңгерген дағдыларды мысалға келтірді. Бір чат-бот жасаудың құны 80 мың теңгеге дейін жетеді, қатысушылардың көбі жүзеге асырған кейстерінен портфолио жинап үлгерді. Нәтижесінде олар курстарды аяқтағаннан кейін жақсы жұмысқа орналасты.
