Мәжіліс Парламенттің қызметін үздік насихаттаған журналистерге арналған «Парламент сөзі» сыйлығына үміткерлерден өтінім қабылдауды бастады, деп хабарлайды astana-akshamy.kz
Осы сыйлыққа Палатаның заң шығарушылық қызметі жайлы 2024 жылғы қыркүйек пен 2025 жылғы 13 маусым аралығында жарияланған және эфирге шыққан материалдар қабылданады.
Жеңімпаздар 7 номинация бойынша марапатталады. Олар – үздік телевизиялық сюжет, баспа жарияланым, интернет, радио және фото материал.
Өтінімдерді 2024 жылғы 16 маусымға дейін Smimazh@parlam.kz электрондық поштасына жіберуге болады.
Қосымша ақпаратты Мәжілістің parlam.kz ресми сайтынан немесе 74-63-01, 74-63-05 байланыс телефондары арқылы ала аласыздар.
