Азаматтық қорғау капитаны Аян Кантек – тәртіпті, өзіне талап қоя білетін және кәсіби біліктілігі жоғары маман, деп хабарлайды astana-akshamy.kz.
Аян 1998 жылғы 15 наурызда Ақмола облысы Зеренді ауданының Еңбекбірлік ауылында дүниеге келген. 2021 жылы Ресей ТЖМ Мемлекеттік өртке қарсы қызмет Санкт-Петербург университетін «Өрт қауіпсіздігі» мамандығы бойынша тәмамдаған.
Еңбек жолын Ақмола облысы Жақсы қаласындағы № 13 өрт сөндіру бөлімінде қарауыл бастығы лауазымынан бастаған. Қызметтің әр кезеңінде мол тәжірибе жинақтап, кәсіби дағдыларын жетілдіріп, біліктілігін арттырды.
2026 жылдан бастап Аян Кантек Астана қаласы Төтенше жағдайлар департаментінің Мемлекеттік өрт бақылау басқармасында бас маман қызметін атқарады.
Мемлекеттік өрт бақылауы саласындағы жұмыс мұқияттылықты, ұқыптылықты, принципшілдікті және жоғары ұйымдастырушылық қабілетті талап етеді. Аян өз қызметінде осы қасиеттерін танытып, жүктелген міндеттерді жауапкершілікпен орындайды. Ол – сабырлы, жинақы әрі мақсатқа ұмтылған маман.
Ол үшін азаматтық қорғау органдарындағы қызмет - жай ғана мамандық емес, адамдардың қауіпсіздігін қамтамасыз етуге, олардың өмірі мен денсаулығын қорғауға бағытталған маңызды міндет.
