Елордада есірткі құқық бұзушылықтың алдын алу мақсатында іске қосылған "Заң мен тәртіп" пойызында екі өңірді - Астана қаласы мен Ақмола облысын біріктірген республикалық акция өтті, деп хабарлайды astana-akshamy.kz.
Акцияның бастамашысы Астана қаласы полиция департаменті және көліктегі полиция департаменті, "Жолаушылар тасымалы"АҚ қолдауымен Есірткі қылмысына қарсы іс-қимыл комитеті болды.
Акция Астанада басталып, елорда тұрғындарын, сондай – ақ Астана-Бурабай бағыты бойынша жүретін жолаушыларды қамтыды. Профилактикалық жұмыс Ақмола облысында Щучинск қаласында және Бурабай станциясында жалғасты, онда іс-шаралар оқу орындарының оқушылары мен өңір ұйымдарының өкілдері үшін өткізілді.
Акция аясында пойыз есірткі құқық бұзушылықтарының алдын алу бойынша мобильді алаңға айналды. Жолаушылар мен өңірлердің тұрғындары үшін ақпараттық және интерактивті алаңдар, профилактикалық әңгімелер, кинологиялық қызмет орталығының көрме қойылымдары және тақырыптық іс-шаралар дайындалды. Пойыз құрамында болған делегация бірқатар кездесулер мен акциялар өткізді, олардың негізгі миссиясы саналы таңдау мен есірткіден бас тартуға шақыру болды.
Қауіпсіздікті қамтамасыз етуде ІІМ қолданатын заманауи технологияларға ерекше назар аударылды. "Заң мен тәртіп" тұжырымдамасының жарқын символдарының біріне айналған ішкі істер органдарының робот-иттері, сондай-ақ "Заң мен тәртіп"маскоты акцияға қатысушыларға көрсетілді.
Пойызды ресімдеуде профилактикалық ақпарат, оның ішінде азаматтар көмек сұрауға, кеңес алуға немесе есірткінің заңсыз айналымына байланысты фактілер туралы хабарлауға болатын қызметтердің байланыстары орналастырылған.
Акция құқық қорғау органдарының өкілдерін, жұртшылықты, жастар мен екі өңірдің тұрғындарын біріктірген жарқын қоғамдық-профилактикалық мереке форматында өтті.
Республикалық акцияны жылжымалы профилактикалық алаң форматында өткізу есірткі құқық бұзушылықтардың алдын алу және салауатты және қауіпсіз өмір салтын ілгерілету жөніндегі кешенді жұмыстың бір бөлігіне айналды.
