Сәби үйдің есігін аша алмай жалғыз қамалып қалған. Көмекке астаналық құтқарушылар келді, деп хабарлайды astana-akshamy.kz
«Оқиға елорданың көпқабатты тұрғын үйлердің бірінде болды. Әкесі баланы үйде қалдырып дүкенге шыққанда есікті кілттеп жауып, қайта аша алмай қалған. Мазасызданған ата-ана 112 қызметіне хабарласты», - делінген Төтенше жағдайлар министрлігі таратқан хабарламада.
Құтқарушылар альпинистік құралдардың көмегімен 9-шы қабаттағы пәтерге балкон арқылы кірген.
«Құтқарушылар баланы тыныштандырып, есікті іштен ашты. Сәби зардап шеккен жоқ», - дейді төтенше жағдайлар ведомствосынан.
