Жаңа Конституция жобасы- мемлекеттік жүйені жаңартуға бағытталған кешенді және ауқымды реформа. Өзгерістердің басты мақсаты — адамның рөлін күшейту, азаматтардың құқықтарын қорғау, биліктің ашықтығын қамтамасыз ету және мемлекет пен қоғам арасындағы тиімді өзара іс-қимылды қалыптастыру. Бұл әділ, заманауи және демократиялық мемлекетті қалыптастыруға маңызды қадам.
Азаматтардың құқықтары мен бостандықтарын қорғауға ерекше мән берілген. Жобада азаматтардың шешім қабылдау процесіне қатысу мүмкіндігі кеңейтіліп, әлеуметтік қорғау, білім беру, денсаулық сақтау және мәдени даму кепілдіктері күшейтілген.
Жоба әзірлеу процесі барынша ашық түрде жүргізілді: комиссияның отырыстары ашық форматта өтіп, онлайн трансляциялар ұйымдастырылды, пікірталастар цифрлық платформаларда жүргізілді. Азаматтар комиссияның жұмысын бақылап, олардың ұсыныстары қалай қаралғанын көре алды. Бұл «Естуші мемлекет» принципінің нақты көрінісі.
Жобада парламенттің рөлі күшейтіліп, оның өкілеттіктері кеңейтілді, заң шығарушы үдерістер нақтыланып, шешім қабылдау процесінің ашықтығы артты. Сондай-ақ билік тармақтары арасындағы тепе-теңдік сақталып, мемлекеттік басқарудың тиімділігі артады.
Жоба қоғамның қазіргі заманғы қажеттіліктерін есепке алады: экономиканы дамыту, инновацияларды ынталандыру, кәсіпкерлік пен инвестициялар үшін жағдай жасау, сондай-ақ азаматтардың әлеуметтік қорғалуын күшейту. Бұл елдің тұрақты дамуына және өмір сапасын арттыруға бағытталған.
Қоғамның белсенді қатысуы жобаның негізгі принципі. Әрбір азамат өз ұсынысын енгізіп, талқылауларға қатысып, комиссияның жұмысын бақылауға мүмкіндік алды. Бұл билікке деген сенімді қалыптастырып, мемлекеттік шешімдерді тиімді әрі әділ етеді.
Мен жаңа Негізгі заң Қазақстанның дамуы үшін берік негіз қалыптастырады деп сенемін. Ол азаматтардың мүдделерін ескереді, заманауи сын-қатерлерді қамтиды және адам құқықтары, биліктің ашықтығы және әлеуметтік-экономикалық даму бағытында мемлекет құруға мүмкіндік береді.
Салтанат Женалаева,
Астана қалалық мәслихатының депутаты,
Астана қаласы бойынша AMANAT партиясы Әйелдер қанатының төрағасы
