Елорда күні қарсаңында қаладағы коммуналдық кәсіпорындардың қызметкерлері арасында кәсіби мини-футбол турнирі ұйымдастырылды, деп хабарлайды astana-akshamy.kz.
Турнир Абай Құнанбайұлы атындағы №87 мектеп-гимназиясының алаңында өтті. Жарысқа алты ұйымның командалары қатысты:
• «Астана Тазалық»;
• «Астана су арнасы»;
• «РЭК» АҚ;
• Elorda Eco System;
• «Астана-Теплотранзит»;
• «Астана көгалдандыру құрылысы».
«Бұл шараны жұмысшы мамандық иелері арасында салауатты өмір салтын қалыптастыру мақсатында өткізіп отырмыз. Олардың денсаулығы – ең маңызды мәселе», – деді Байқоңыр ауданы әкімдігінің бас маманы Бауыржан Алдауов.
Турнир жеңімпаздары мен жүлдегерлеріне кубоктар, медальдар және алғыс хаттар табысталды.
