Мемлекет басшысы бүгінгі Жолдауында Үкіметке инвестиция тарту жүйесін түбегейлі жаңғыртуды тапсырды. Бұл қадам — еліміздің экономикалық дамуы үшін аса маңызды әрі уақыт талабынан туындаған шешім, деп хабарлайды astana-akshamy.kz.
Сарапшылардың пікірінше, жаңа жүйенің басты артықшылықтары айқын:
- Өңдеу өнеркәсібіне серпін — инвестицияның негізгі бөлігі жоғары технологиялар мен өндіріс салаларына бағытталып, экономиканың әртараптануына жол ашады.
- Инвесторлар үшін қолайлы орта — қағазбастылықты азайтып, шешім қабылдау жүйесін жеңілдету арқылы Қазақстанның инвестициялық тартымдылығы артады.
- Шағын және орта бизнесті қолдау — ірі инвесторлармен қатар орта және шағын кәсіп иелеріне де тең мүмкіндік беру елдің ішкі нарығын күшейтеді.
- Ұлттық мүддеге сай саясат — «инвестицияға тапсырыс» нақты өндірістік сұранысқа бағытталып, әрбір жобаның тиімділігі мен қажеттілігі ескеріледі.
Бұл бастама Қазақстанды жаңа инвестициялық кезеңге шығарып, тұрақты экономикалық өсім мен халықтың әл-ауқатын арттыруға зор үлес қоспақ.
