Алаяқтар қаржылық ақпаратқа қол жеткізу үшін азаматтардың мобильді құрылғыларын жиі пайдаланады. Зиянды қосымшалар, жалған сілтемелер мен хабарламалар арқылы шабуылдаушылар онлайн-банкингке, CVV-кодтарға, логиндерге, құпиясөздерге және басқа да конфиденциалды деректерге қол жеткізуге тырысады. Бұл ақша қаражаттарының және жеке ақпараттың қолды болуына алып келеді, деп хабарлайды astana-akshamy.kz
Қауіпсіздікті қамтамасыз ету үшін Қаржы нарығын реттеу және дамыту агенттігі мыналарды ұсынады:
- антивирустық бағдарламалық қамтылымды орнату және оны үнемі жаңартып отыру;
- қосымшаларды тек ресми көздерден (Google Play, App Store) жүктеу;
- қосымшалар сұраған рұқсаттарды тексеріп, контактілерге, SMS-ке, микрофонға және экранға кіруді шектеу;
- хаттардың, мессенджерлердің және push-хабарламалардың күдікті сілтемелері бойынша өтпеу;
- түрлі қызметтер үшін күрделі және әр түрлі құпиясөздерді, құпиясөз менеджерлерін қолдану;
- банк карталарының фотосуреттерін, құпиясөздерді және электрондық қолтаңбаны телефонда сақтамау;
- құрылғы жоғалған кезде экранды бұғаттауды, биометриялық қорғауды және деректерді қашықтан жою мүмкіндігін қосу;
- қоңырау шалушы өзін банк немесе құқық қорғау органдарының қызметкері ретінде таныстырса да, телефон немесе мессенджерлер арқылы кодтарды, құпиясөздерді және басқа да құпия ақпаратты хабарламау.
Сонымен қатар:
- операциялық жүйені және орнатылған қосымшаларды үнемі жаңартып отыру, өйткені жаңартуларда маңызды қауіпсіздік патчтары бар;
- банктік хабарламалар арқылы қаржылық операцияларды қадағалап отыру, транзакцияларға шектеулер қою, сонымен қатар банктік қосымшаға кірген кезде биометрияны қолдану;
- бүкіл отбасының кибергигиенасын жүргізу: балалар мен қарт туыстарыңызға алаяқтықты нақты хабарландырулардан қалай ажыратуға болатынын және әлеуметтік инженерияға қалай қарсы тұру керектігін түсіндіру ұсынылады.
Егер сіз құрылғыны жоғалтсаңыз немесе рұқсатсыз кіруден күдіктенсеңіз:
- банк карталарын дереу бұғаттаңыз, барлық құпиясөздерді өзгертіңіз және онлайн-банктегі сессияларды өшіріңіз;
- құқық қорғау органдарына хабарласыңыз;
- қажет болса – ұялы байланыс операторы арқылы SIM-картаны бұғаттаңыз.
Өзге де пайдалы материалдармен Fingramota.kz. сайтынан таныса аласыздар
