Елордадағы Үндістан елшілігі Халықаралық зорлық-зомбылыққа қарсы күрес күнін атап өтті
Астана қаласындағы Үндістан Елшілігі Махатма Гандидің туғанына 156 жыл толуын және БҰҰ жариялаған Зорлық-зомбылыққа қарсы халықаралық күнді Есіл өзенінің жағасындағы Ганди ескерткіші жанында салтанатты түрде атап өтті, деп хабарлайды astana-akshamy.kz.
Іс-шара Махатма Гандиге гүл шоқтарын қоюмен басталып, Қазақстан Республикасындағы Үндістан Республикасының Елшісі Я.К. Сайлас Тангал мырза, Астана қаласы әкімінің орынбасары Серікұлы Мейірхан Ерік мырза, Қасиетті Тақтың Елшісі Архиепископ Джордж Панамтхундил мырза, Венесуэланың Қазақстандағы Елшісі Розалба Ло Буэ Антико ханым, Байқоңыр ауданы әкімінің орынбасары Азамат Малыбаев мырза, сондай-ақ дипломатиялық корпус өкілдері, БАҚ өкілдері, үнді қауымдастығының мүшелері, үнді студенттері және Үндістанның қазақстандық достары қатысты. Жиналғандар бейбітшілік, шындық және зорлық-зомбылыққа қарсы әмбебап қағидаттарға адалдықтарын тағы бір мәрте білдірді.
Сөз сөйлеу барысында Елші Сайлас Тангал мырза Махатма Гандиді Бейбітшілік пен Зорлық-зомбылықсыздықтың нышаны ретінде еске алып, оның “Менің өмірім – менің жолдауым” деген сөзінің адамзатқа бағыт-бағдар болатынын атап өтті. Ол Гандидің шындық, дінаралық келісім, тұрақты өмір сүру мен жанашырлық сияқты құндылықтары қазіргі әлемдегі қақтығыстар, теңсіздік және климаттың өзгеруі сияқты жаһандық сын-қатерлермен күресуде ерекше өзектілігін айтты.
Елші Қазақстан да Махатма Гандидің мұрасын жоғары бағалап, Астана мен Алматы қалаларында ескерткіштер, әл-Фараби атындағы Қазақ ұлттық университетінде Үндістанды зерттеу орталығы, сондай-ақ Алматыда Махатма Ганди мұражайы мен мектебі құрылғанын айтты. Бұл нышандар Үндістан мен Қазақстан арасындағы достық пен ортақ құндылықтардың терең байланысын көрсетеді.
Іс-шара барысында Свами Вивекананда мәдени орталығының (SVCC) қазақ студенттері мен Үндістандық медицина студенті Гандидің сүйікті Бхаджан әндерін орындады.
Үндістан Елшілігі Қазақстан Республикасының Үкіметіне, Астана қаласы әкімшілігіне және іс-шараның сәтті өтуіне үлес қосқан барлық серіктестер мен жанашырларға шынайы алғысын білдіреді.
