– Жаңа Конституция мемлекеттің азаматтар алдындағы жауапкершілігін күшейтеді. Қазақстан Республикасының жаңа Конституциясының жобасын талқылау – ел дамуының маңызды кезеңі. Бұл – тек заңнамалық өзгерістер туралы емес, қоғам алдындағы мемлекеттің құндылықтары мен жауапкершілігін таңдауға қатысты мәселе. Бүгін мен, ең алдымен, азамат әрі ата-ана ретінде ой қосып отырмын. Балаларымыз қандай елде өмір сүретіні мен үшін өте маңызды.
Құжаттың негізгі қағидаттарының бірі – адамды мемлекеттің ең жоғары құндылығы ретінде тану екенін атап өткен жөн. Азаматтардың өмірі, құқықтары мен бостандықтары мемлекеттік саясаттың өзегіне қойылады. Бұл шешімдер халықтың мүддесі үшін қабылдануы тиіс дегенді білдіреді.
Сондай-ақ мемлекеттің әлеуметтік жауапкершілігінің күшейтілуіне назар аудару қажет. Жоба аясында отбасыны, ана мен баланы қорғау, білім беру мен денсаулық сақтауды дамыту, өмірдің қиын жағдайына тап болған азаматтарды қолдау жөніндегі нормалар бекітілген.
Жобадағы маңызды бағыттардың бірі – биліктің әділеттілігі мен есептілігін арттыру. Мемлекеттік органдар қоғамға ашық болуы, заң аясында әрекет етіп, азаматтардың пікірін ескеруі тиіс.
Сонымен қатар Конституция жобасында орнықты экономикалық дамудың және мемлекеттік институттарды нығайтудың негіздері қаланған. Өкілді органдардың, соның ішінде мәслихаттардың рөлі кеңейтіліп, бұл өңірлерге жергілікті мәселелерді шешу үшін көбірек мүмкіндіктер береді.
Қорытындылай келе, Негізгі заңды жаңарту елдің болашағын айқындайтынын атап өткім келеді. Жаңа Конституция – болашақ Қазақстанның берік іргетасы әрі келер ұрпақ алдындағы жауапкершілік.
Ғабит ТӘЖІМҰРАТОВ,
Астана қаласы мәслихатының депутаты
