«Заң және тәртіп» қағидаты аясында Астананың Экономикалық тергеу департаментінің қызметкерлері №42 «Бәйшешек» балабақшасының тәрбиеленушілерінің ата-аналарына ақпараттық түсіндіру жұмысын жүргізді, деп хабарлайды astana-akshamy.kz.
Мамандар оңғы уақытта әртүрлі қаржылық алаяқтық оқиғалары көбейгенін атап өтті.
«Цифрлық технологиялардың қарқынды дамуы мен алаяқтық схемалардың көбеюі жағдайында халық арасында алдын алу жұмысы ерекше маңызды болып отыр. Астананың Экономикалық тергеу департаменті мемлекеттік «Заң және тәртіп» қағидатын іске асыру аясында тұрғындарға ақпараттық-түсіндіру жұмысын жалғастыруда.
Мерекенің мақсаты – халықтың қаржылық қауіпсіздігін арттыру және құқықтық сауаттылығын көтеру», – деді ата-аналарға департаменттің Ұйымдастыру-қадағалау басқармасының орынбасары Айсұлу Жалғасова.
Кездесу барысында лектор қаржылық пирамидалардың құрбаны болмау жолдарын, алаяқтық схемаларға тартылу әдістерін, қаржылық тәуекелдерді қалай тану керектігін, жеке деректерді қорғаудың маңыздылығын және заңға қарсы операцияларға қатысудың құқықтық жауапкершілігін түсіндірді.
Спикердің сөзінше, алдын алу бағытындағы әңгімелер мектептерде де жүргізіліп, онда балалар мен ересектер бірге қатысады.
