Астанадағы Жетісу паркінде Қазақстан Республикасы «Хас шебер» Отандық Өнімді Дамыту қауымдастығы мен «Өнерпаз ұрпақ» ҚҚ бірігіп, балалар мен жасөспірімдерге арналған “БІЛІМ ФЭСТ” атты іс-шараны ұйымдастырды. Бұл шара Қазақстан Республикасының Конституция күні мен Абай Құнанбайұлының рухани мұрасын кеңінен насихаттауға арналған ерекше оқиға болды, деп хабарлайды astana-akshamy.kz
Іс-шараның басты мақсаты – ұлттық құндылықтарды дәріптеу, құқықтық сана мен рухани тәрбиені жас ұрпаққа жеткізу.
Көрме аясында келушілерге қазақтың қолөнер бұйымдары мен ұлттық киімдері таныстырылды. Қолөнершілер мен шеберлер өз туындыларын көрсете отырып, қазақ халқының бай мәдениеті мен дәстүрлерін жан-жақты түсіндірді. Сондай-ақ жастар мен ата-аналар арасында Абай Құнанбайұлының қара сөздері мен өлеңдеріне арналған пікірталас өтті.
Әрі Шара барысында балалардың құқықтары мен міндеттері туралы сұқбат жүргізілді.
—Бүгінгі шарада ұлттық құндылықтардың барлығы да жарқырап тұр. Әсіресе, қазақтың қолөнері мен киімдерін көріп, жастарымыздың осы құндылықтарға қызығушылығы артқанын байқадым. Бұл өте маңызды және пайдалы шара,-деп атап өтті музыуа пәнінің мұғалімі Ұмсынай Сырымбекова.
