Астанадағы MEGA Silk Way сауда, ойын және сауық орталығында ерекше гастрономиялық ай – Gastro Fest өтуде. Бір ай бойы келушілерді креатив пен дәмге толы мереке күтеді, деп хабарлайды astana-akshamy.kz.
Ұйымдастырушылардың айтуынша, фестивальдің басты идеясы – әрбір келушіні гастрономиялық саяхатқа жетелеу. «Әрбір сет – бұл дәм мен шабыттың тоғысы, ал Gastro Fest – гастрономия мен шығармашылықтың ортақ алаңы», – дейді ұйымдастырушылар.
Фестиваль бағдарламасында келушілер үшін ашық дегустациялар, Instagram-дағы «Аптаның үздігі: ТОП-5 сет» айдары, танымал аспаздар қатысатын бейнероликтер және «Құпия ингредиент» сынды интерактивті онлайн ойындар қарастырылған.
Бір ай бойы орталық тұрғындар мен қонақтарға жаңа дәмдерді ашуға, ерекше атмосфера мен шабыт алуға мүмкіндік сыйлайды.
