Қазақстанда мемлекеттік-жекеменшік әріптестік жобалары шағын әлеуметтік нысандардан ірі инфрақұрылым жобаларына ауысып келеді. Бұл туралы орталық коммуникациялар қызметінде өткен брифингте Қазақстандық МЖӘ орталығының басқарма төрағасы Аслан Қалиғазин мәлім етті.
Брифинг барысында орталық басшысы 2025 жылы Астана қаласында іске асатын екі ірі жобаны ерекше атады. Біріншісі – «Астана-Технополис» арнайы экономика аймағында құны 126,5 млрд теңге болатын №2 индустрия паркі. Екіншісі – құны 90 млрд теңге болатын жасанды интеллект негізіндегі қалалық инфрақұрылымды басқару жүйесі.
