Астана 2026 жылы фиджитал форматындағы «Болашақ ойындары» халықаралық мультиспорттық турнирін өткізуге дайындалуда, деп хабарлайды astana-akshamy.kz.
«Ойындарды осы әсем қалада өткізетінімізге өте қуаныштымын. Біз «Болашақ ойындарын» ұйымдастыру құқығына ие болатын көптеген елдер арасында қатаң іріктеу өткіздік, нәтижесінде Қазақстанды таңдадық. 2026 жылы фиджитал ойындары бүкіл әлемнің назарын аударады. Фиджитал қоғамдастығы Қазақстанды көп жылдық спорттық дәстүрлері, инновациялары мен технологиялары бар ел ретінде құрметтейді», – деді Phygital International бас директоры Нис Хатт ОКҚ алаңында өткен баспасөз конференциясында.
Оның айтуынша, фиджитал бағыты қарқынды дамып келе жатыр және жыл сайын турнир форматы кеңейіп келеді.
Биыл «Болашақ ойындары» желтоқсан айында Абу-Дабиде өтеді.
