Астанадағы №65 мектеп-гимназиясында Сарыарқа ауданы мектептерінің мұғалімдері қатысқан жиын өтті. Кездесу барысында Қазақстан Республикасының Конституциясының жаңа жобасы жан-жақты талқыланды, деп хабарлайды astana-akshamy.kz.
Іс-шараға қатысқан мәслихат депутаты Ләззат Разбекова Конституция жобасындағы негізгі бағыттарға тоқталып, енгізіліп отырған өзгерістер мен жаңашылдықтарды кеңінен түсіндірді. Жаңа Конституция ашықтық қағидаттарын нығайтып, әр азаматтың өз құқығы мен еркін таңдауына мүмкіндік беретін маңызды қадам екені айтылды.
