«Таза Қазақстан» әрқайсымыздан басталады. «Таза Қазақстан» бастамасы әлдеқашан дәстүрлі сенбіліктер аясынан шығып, кең ауқымды мәнге ие болды. Мемлекет басшысы бірнеше рет атап өткендей, елге қамқорлық жасау өмір салтына айналуы тиіс, ал тазалық ең алдымен әр адамның жеке жауапкершілігінен басталады.
Таза аула, көрікті көше, табиғатқа және қоғамдық мүлікке ұқыпты қарау — мұның бәрі біздің күнделікті әдеттерімізден қалыптасады.
Коммуналдық қызметтер мен мемлекеттен көп нәрсе талап етуге болады. Бірақ ең алдымен өзімізден бастауымыз маңызды. Қоқыстың жанынан бейжай өтпеу, ортақ игілік үшін жасалған дүниеге ұқыпты қарау және өзіміз өмір сүріп жатқан орта үшін жауапкершілікті сезіну қажет.
Өз аулаңа, көшеңе, қалаңа және табиғатқа деген көзқарас — өз еліңе деген көзқарастың да көрінісі.
Сондықтан «Таза Қазақстан» бір реттік акция емес, ортақ мәдениетіміздің ажырамас бөлігіне айналуы ерекше маңызды.
Таза Қазақстан — ортақ жауапкершілік!
Рабиға Тоқсейітова,
Құрылтай депутаты
-
