Сарайшық ауданында қасында заңды өкілдері еріп жүрмей, түнгі уақытта сыртта жүрген кәмелетке толмағандарды анықтауға бағытталған профилактикалық рейд өтті, деп хабарлайды astana-akshamy.kz.
Рейдті Сарайшық ауданы прокуратурасы полиция қызметкерлерімен, білім басқармасының, балалардың құқықтарын қорғау басқармасының, Сарайшық ауданы әкімдігінің және қоғамдық ұйымдардың өкілдерімен бірлесіп ұйымдастырды.
Іс-шара барысында компьютерлік клубтар, ойын-сауық орталықтары, саябақтар және азаматтардың жаппай жиналатын өзге де орындары тексерілді. Нәтижесінде түнгі уақытта заңды өкілдерінің еріп жүруінсіз жүрген кәмелетке толмағандар анықталды. Олардың ата-аналарына қатысты әкімшілік және профилактикалық сипаттағы шаралар қабылданды.
Прокуратура балалардың қауіпсіздігін қамтамасыз ету және заңнама талаптарын сақтау қажеттігін еске салады.
