JÜRE BERSEÑ, KÖRE BERESİÑ

0 153

Astana – el ordası. Astana – elimizdiñ aynası. Endeşe, elordamızğa kelgen qonaqtar äsem qala Astana arqılı elimizge bağa bereri sözsiz. Al sol qalamızdıñ ädemiliginiñ ärin buzıp turatın jayttar köñilge kirbiñ tüsiretini belgili. Osınday jağdaylar elordada äli de tolastamay keledi. Solardıñ birsıpırasına toqtalıp ötsek.

 Qalağa kirip kele jatqan bağıt körsetwşide Turan dañğılın – Twran dep bağıttawda.

Bögenbay batır dañğılınıñ boyında ornalasqan «Sırdarïya» sawda ortalığı atawınıñ «ı» ärpiniñ jartısı tüsip, «r», «d» äripteriniñ sırı köşip, sawda ortalığı «awda ortal ğı» dep turğanına biraz waqıt boldı. Al osığan qarsı bettegi «Elektr qozğa ltqıştarın jöndewdegi» «o» ärpiniñ ornı oysırap-aq tur.

Memleket jäne qoğam qayratkeri Jumabek Täşenov atındağı köşe Täşenov emes, Taşenov bolıp jazılğan. «Jüre berseñ, köre beresiñ» degen ras eken. Osı köşede astanalıqtardı awa baptağıştarmen emes, «awbaptağıştarmen» «baptaytındar» bar eken. Jaz boyı «aw baptağandar» äli de özderiniñ qateligin tüzer emes.

Astana qalası Tötenşe jağdaylar departamentiniñ jırımı şığıp, tozığı jetken jarna­masında «tığıñdar» degen söz «tığındar» dep jazılıp turğanına köp aydıñ jüzi boldı.

Jeñis dañğılınıñ boyındağı «Astana» qonaq üyiniñ atawı köriner-körinbes bolıp, qonaq üy – qonaq wy bolıp qor bolwda.

Osı dañğıldağı tağı bir jarnamada kir jwatın üy jabdıqtarı – uy jabdıqtarı bolıp qate körsetilgen.

I.Dükenulı köşesindegi kölik jww beketi «kölik jüü» dep qate jazılğan.

Qaladağı jarnamalarda jazılğan qatelikter köbine qazaqtildi jarna­malarda kezdesedi. Sondıqtan, aldağı waqıtta jarnamalarda qazaq äripterin öz ornımen jazatın waqıt jetti.

Oljas SÜLEYMENOV

Pikir jazw

Poçtañız jarïyalanbaydı

14 − 12 =