Jupar ĞABDWLLÏNA: ÖNERDE ÖZ ORNIÑ BOLĞANI JAQSI

0 201

– Reseydiñ Ülken teatrınıñ sahnasına şığwdı armandamağan ärtis joq bolar. Jaqında sol jaqqa barıp, mamandardıñ joğarı bağasın alıp qayttıñız. Qanday äserdesiz?

Sayajan, önertanwşı

– Ïä, «Astana Opera» opera jäne balet teatrınıñ önerpazdarı Sankt-Peterbordıñ Marïya teatrında öner körsetip, şeteldik täjirïbeli mamandar tarapınan layıqtı bağağa ïe boldı. Buğan öte qwanıştımın. Maestro Valerïy Gergïevtiñ dïrïjerligimen şırqaw – är änşiniñ mañdayına buyıra bermeytin baqıt. Bügingi tañda Qazaqstannıñ opera öneri bükil älemge ayan. Qazir bizdiñ änşilerimiz kez kelgen halıqaralıq arenalarda el namısın layıqtı deñgeyde qorğay aladı. Bul – ülken jetistik. Oğan qosa, älemdegi suranısı öte joğarı Eldar Äbdirazaqovpen birge «Attïla» operasında Odabella partïyasın orındağanım, keyin Marïya teatrında Roberto Tal'yavïnïmen öner körsetkenim şabıtıma qanat bitirdi.

– Operanıñ köbisi şetel tilinde şırqaladı ğoy. Bul jağı sizge qïındıq twdırmay ma?

Ğazïza, EUW stwdenti

– Eñbektenseñ, eş qïındığı joq. Eñ bastısı, operanıñ bar äsemdigin joğaltıp almaw kerek. Qazir ïtalïya tilindegi şığarmalardı orındap jürmin. Tıñdarmanğa durıs jetkizwge tırısamın.

– Älemniñ aytwlı teatrların aralap jürsiz. Sizdiñşe, bizdiñ teatrlardıñ deñgeyi qanday?

Güljan, oqırman

– «Astana Opera» deñgeyi eş teatrdan kem emes. Mundağı akwstïka tamaşa. Sahnanıñ işi men sırtındağı barlıq närseler – edennen töbege deyin, orındıqtar men qabırğadağı aynalar sahnadağı dawıstıñ tereñdigin ayşıqtay tüsedi. Ujımdağı äriptesterimmen maqtanamın, barlığı da talanttı, birinen biri ötedi. Öz basım osı teatrda eñbek etw kez kelgen opera änşisiniñ armanı dep oylaymın. «Astana Opera» teatrınıñ bolaşağı zor.

– Operanıñ dramalıq sätterin tıñdawşı jüregine jetkize bilw üşin änşiniñ dawıs dïapazonı keñ bolwğa tïis. Dawısıñızdı qalay kütesiz?

Tınısbek, mektep oqwşısı

– Är änşiniñ jeke vokaldıq gïgïenası boladı. Stwdent kezimde repertwarımda joq änderdi orındap, dawısıma keliñkiremey, qïnalğan sätter bolğan. Qazir özimniñ dawısıma say şığarmalardı tañdawğa tırısamın. Küni-tüni än aytwğa da bolmaydı, sosın swıq swsındar işpew kerek.

– Bolaşaqta opera janrınıñ damığan jerine, yağnï şetelge qonıs awdarwıñız mümkin be?

Jaydar

– Öziñniñ eliñdegi teatrdıñ deñgeyi tömen bolsa nemese repertwar bolmasa, arman qwalap şetelge qonıs awdarwğa boladı. Al, bizde olay emes. Bizge täjirïbe jağınan bayıtw üşin şet elderden mıqtı änşiler men öz isiniñ mamandarı şaqırıladı. Sırt jaqqa gastrol'ge köp şığamız. «Astana Operada» jumıs istew tärtibi şet eldegimen birdey.

– Rwmınïya Ulttıq opera teatrınıñ sahnasında öner körsetip qayttıñız. Körermen qalay qabıldadı?

Tamara, qala turğını

– Djwzeppe Verdïdiñ «Aïda» operasında bas keyipkerdiñ partïyasın orındadım. Rwmınïyalıq teatrdıñ körkemdik jetekşisi Mïhay Kosma jäne dïrïjer Krïstïan Sandw osı operağa arnayı şaqırtqan bolatın. Ärïne, öte qwanıştımın. Bul – men üşin ülken qurmet. Halıq öte jaqsı qabıldadı. Körermenderdiñ qurmeti men qoşemeti erekşe boldı.

– Djwzeppe Verdïdiñ «Aïda» operası twralı aytıp beriñizşi…

Mïra, turaqtı oqırman

– Bul – älemniñ köptegen elderinde körermen süyispenşiligine ïe bolğan klassïkalıq opera. Mundağı, äsirese, qızdıñ Otanına, Radameske degen adal mahabbatın körsetetin üşinşi akti asa qïın soğadı. Rwmınïya sahnasında sol sınnan sürinbey öttim dey alamın. Tıñğılıqtı dayındalwğa waqıt jetpey qalğanına qaramastan, sahnadağı äriptesterimmen birden til tabısıp kettim. Olar meni, men olardı jerge qaratqan joqpız. Spektakl'diñ sätti ötwine teatrda köp dayındıq jasawımnıñ edäwir kömegi tïdi. Sebebi, waqıt ağımına ilese alğan adam ğana qazir belgili bir tabısqa qol jetkizedi desek, bul orayda mağan älemdegi eñ köp suranısqa ïe änşi – Eldar Äbdirazaqovpen birge öner körsetken «Attïla» operasındağı Odabella beynesi, Marïya teatrında Roberto Tal'yavïnïmen şırqağan rölderim qımbat.

– Jupar apay, bir partïyanı sahnağa şığarw üşin biraz waqıt kerek şığar. Siz qanşa waqıt dayındalasız?

Dïnara, muğalim

– Ol är operanıñ erekşeligine baylanıstı der edim. Äytewir, keminde 2-3 ay waqıttı jumsaymız.

– Büginge deyin şırqağan twındılarğa toqtalsañız. Sonıñ arasınan siz üşin qaysısı erekşe?

Jamal, oqırman

– Muqan Tölebaevtıñ «Birjan-Sara» operasındağı Altınaydıñ röli janıma jaqın. Äri bul – meniñ ülken sahnada alğaş orındağan twındım. Sosın Dj.Verdïdiñ «Aïda» operasınan Aïda, «Trwbadwr» operasınan Leonora, Dj.Pwççïnïdiñ «Twrandotınan» Twrandot, R.Leonkavallo «Payacı» operasında Neddanıñ partïyasın erekşe atap ötwge boladı. Jalpı, şırqağan arïyalarım bir-birine uqsamaydı. Sondıqtan ärqaysısınıñ öz ornı bar.

– Äriptesteriñiz arasında sizdiñ artıqşılığıñız nede dep oylaysız?

Ayjan, stwdent

– Operanıñ özi köp salalı, öte qïın janrlardıñ biri ğoy. Bizdiñ, änşilerdiñ osı salanı tañdawımızdıñ özi basqalardan daralaytınday. Sonımen birge, bälkim, dawısımda bir erekşelik bar şığar. Jalpı, önerde öz ornıñnıñ bolğanı jaqsı

IMG-20140408-WA0010

Erkejan SÄTİMBEK

 

Pikir jazw

Poçtañız jarïyalanbaydı

four × five =