جۇمىسسىز قالعاندار قولداۋعا مۇقتاج

0 17

داريعا نازارباەۆانىڭ توراعالىق ەتۋىمەن وتكەن پارلامەنت سەناتى بيۋروسىنىڭ وتىرىسىندا كارانتين كەزىندە جۇمىسسىز قالعان ازاماتتارعا قولداۋ كورسەتۋدىڭ ماڭىزدىلىعى ايتىلدى.سەنات توراعاسى د.نازارباەۆا ەل پرەزيدەنتى مەن توتەنشە جاعداي ءتارتىبىن قامتاماسىز ەتۋ جونىندەگى مەملەكەتتىك كوميسسيا كوروناۆيرۋس ينفەكتسياسىنىڭ تارالۋىنا قارسى قاجەتتى بارلىق شارالاردى شۇعىل جانە الدىن الا قابىلداپ جاتقانىن اتاپ ءوتتى.
د.نازارباەۆا سەنات كوميتەتتەرىنە 2020 جىلعا ارنالعان بيۋدجەتكە ەنگىزىلەتىن ناقتىلاۋلاردى مۇقيات زەرتتەۋدى جانە ءوز باعىتتارى بويىنشا ونىڭ ورىندالۋىنا مونيتورينگ جۇرگىزۋدى پىسىق­-
تا­ۋ­دى تاپسىردى. اتاپ ايتقاندا، 1 ترلن تەڭگە بولىنەتىن جۇمىسپەن قامتۋدىڭ جول كارتاسى باعدارلاماسىنا نازار اۋدارۋ قاجەتتىگى ايتىلدى.
پالاتا سپيكەرى وڭىرلەردەن سايلانعان دەپۋتاتتار ءوز ايماقتارىندا جۇمىسپەن قامتۋدىڭ جول كارتاسى قاراجاتىن قانداي ماقساتتارعا جانە نىساندارعا جۇمساۋ جوسپارلانىپ وتىرعانىن مۇقيات زەردەلەۋى ءتيىس ەكەنىن دە ايتتى.
«بۇرىنعى الەۋمەتتىك باعدارلامالاردى ىسكە اسىرۋ كەزىندە كوپتەگەن بۇرمالاۋشىلىققا جول بەرىلگەنىن ءبىز جاقسى بىلەمىز. قالالاردىڭ كارانتينگە جابىلۋىنا بايلانىستى جۇمىسسىز قالعان ادامدارعا كوڭىل ءبولۋ كەرەك. ولار ەرەكشە قولداۋعا مۇقتاج» دەپ اتاپ ءوتتى د.نازارباەۆا.

پىكىر جازۋ

پوچتاڭىز جاريالانبايدى

1 × 1 =