جولىڭ بولسىن، جاس تۇلەك!

0 343

استانا اكىمى يمانعالي  تاسماعامبەتوۆ «قازاق ەلى» مونۋمەنتى الاڭىندا ۇلتتىق بىرىڭعاي تەستىلەۋ قورىتىندىسى بويىنشا ءوز بىلىمدەرىن دالەلدەپ شىققان 75 ەلوردالىق جاس تۇلەككە «التىن بەلگى» تابىس ەتتى.

بيىلعى وقۋ جىلىن استانالىق 4 049 وقۋشى ءتامامدادى. 87,65 پايىزى ۇلتتىق بىرىڭعاي تەستىلەۋدەن ءوتتى. حالىقارالىق وليمپيادالار مەن عىلىمي جوبالاردىڭ جەڭىمپازدارى، جاقىن جانە الىس شەتەلدىڭ جوعارى وقۋ ورىندارىنا تۇسۋگە نيەت بىلدىرگەن 497 وقۋشى جالپى ءبىلىم بەرەتىن پاندەر بويىنشا قورىتىندى ەمتيحان تاپسىردى. وسىلايشا 75 تۇلەك جوعارعى كورسەتكىشكە جەتىپ، تۇعىردان كورىنە ءبىلدى.

«بۇگىن بارشامىز ءۇشىن ەرەكشە كۇن. اتا-انا ءۇشىن باۋىر ەتى – بالاپانىنىڭ قانات قاققان، ۇستاز ءۇشىن ماڭداي تەرى – شاكىرتىنىڭ ۇكى تاققان تاماشا ءساتى. ال، بۇكىل ەل ءۇشىن – ازاماتقا ءۇمىت ارتقان تاريحي مەزەت. قۋانىشتارىڭىز قۇتتى بولسىن، قادىرلى اعايىن!»،– دەپ اتاپ ءوتتى تۇلەكتەردى ماراپاتتاۋ سالتاناتىندا قالا اكىمى يمانعالي تاسماعامبەتوۆ.

جارقىن بولاشاققا ۇمتىلعان جاس تۇلەكتەردىڭ مەكتەپ قابىرعاسىنداعى سوڭعى سالتاناتتى جيىنىنا اتا-انالار مەن ۇستازدار، استانالىق بارلىق مەكتەپتىڭ ءبىتىرۋشى ۇل-قىزدارى جينالدى. «التىن بەلگى» يەگەرلەرىنىڭ اتى-جوندەرى اتالىپ، حالىق الدىندا كەڭىنەن تانىستىرىلدى.

قالا اكىمىنىڭ قولىنان ماراپات العان وقۋشىلاردىڭ قۋانىشىندا شەك جوق.

«سىزدەردىڭ – جاس تۇلەكتەردىڭ ارمانى – بەرەكەلى دە باياندى باق، مازمۇندى دا ماعىنالى بولاشاق. ونىڭ ءوزى – تۇزى جەڭىلگە ەمەس، تۇعىرى بيىك، تالابى كەڭگە، ءبىلىمى تەرەڭ، ەڭبەگى كوپكە عانا بۇيىراتىن دۇنيە. ول ءۇشىن ءىلىم مەن ءبىلىم جولىنداعى تىنىمسىز تالپىنىس پەن ۇزدىكسىز ىزدەنىس قاجەت. بۇل ءبىزدىڭ بۇگىنگىدەي جاڭالىعى جەل- مەن جارىسقان، وي-ءورىسى عارىشپەن تالاسقان زاڭعار زاماننىڭ باستى ءارى بىرەگەي تالابى»، – دەي كەلە قالا باسشىسى تۇلەكتەرگە بۇل تالاپتار- دى ارقاشان ەستە ۇستاۋ كەرەكتىگىن ايتىپ ءوتتى.

«التىن بەلگىگە» قول جەتكىزگەن وقۋشىلاردىڭ قاتارىندا ەڭ جوعارعى 125 ۇپايدى قازاق-تۇرىك ليتسەيىنىڭ شاكىرتى اسەل قىسىقوۆا جيناعان. 91 مەن 125 بالل ارالىعىنداعى ناتيجەنى 874 تۇلەك يەلەنگەن. ەڭ جوعارى كورسەتكىشكە دارىن- دى بالالارعا ارنالعان «زەردە» مەكتەبىنىڭ تۇلەكتەرى قول جەتكىزسە، ودان كەيىنگى مەجەدە قىز بالالارعا ارنالعان جانە ۇل بالالارعا ارنالعان قازاق-تۇرىك ليتسەيلەرىن ەرەكشە اتاپ وتكەن ءجون.

«سىزدەر بۇگىن ءومىردىڭ العاشقى مەجەسىنەن وتتىڭىزدەر. ەندىگى تاعدىر ءوز قولدارىڭىزدا. ءوز باسىم بۇل ماقسات-مىندەتتىڭ دە ۇدەسىنەن شىعىپ، تابىس بيىگىنە تۋ تىگەتىندەرىڭىزگە كامىل سەنىمدىمىن. ولاي بولسا، وسىناۋ قۋانىشتى كۇنى، ومىرلەرىڭىزگە تەك ساتتىلىك تىلەيمىن. جولدارىڭىز جارىق، اسپاندارىڭىز اشىق، جۇلدىزدارىڭىز بيىك تۇرعاي»، – دەپ ءسوزىن اياقتاعان قالا اكىمى بارشا مەك- تەپ بىتىرۋشىلەردى شىن جۇرەكتەن قۇتتىقتادى.

سالتاناتتى شارادا جاس تۇلەكتەر سوڭعى رەت «مەكتەپ ءۆالسىن» بيلەپ، سوڭى مەرەكەلىك كونتسەرتكە ۇلاستى.

گۇلميرا ايماعانبەت

پىكىر جازۋ

پوچتاڭىز جاريالانبايدى

17 − six =