Жолсеріктің міндеті не?

0 738

2010 жылдың 18 қыркүйегіндегі «Астана ақшамы» газетінде менің «Жолаушылар мәдениетін көтерейік» деген мақалам шыққан еді. Сол мақаланы шенеуіктер оқымаған сияқты. Өйткені, айтылған  мәселеге байланысты оң өзгерістерді байқай алмай жүрмін.

Сөзім дәлелді шығуы үшін бол­ған­ жайларды айтып өтейін. Қа­ла­да тұрған соң жолаушылар кө­лігінің қызметін пайдаланамыз.­ Өзім де куәмін, басқалар да соны бай­қайды. Кейде ав­то­бусты ұзақ уақыт тосуға мәжбүр бола­мыз­. Сонда жолсерікке неге ке­шік­тіңіздер десеңіз, мынадай қыс­қа құ­лықсыз жауап аласың: «Біл­мей­мін,­ біз кестемен келе жатырмыз». Немесе осы жаңа жылдың бі­рінші күні кешкі 19-бен 20-ның ара­сында «Көкталдың» бір аял­дамасынан кішкентай бала кө­терген ер адам менің жаныма­ оты­рып, жолсерікке «Неге осын­ша­ ұзақ жүресіздер?» деп еді. Жол­серік қазақ келіншегі қысқа ғана «Мүмкін емес» деді де әрі­ жүре берді. Тағы бір жағдай мен­ өзім 29 желтоқсан күні №21 ба­ғыттағы автобусқа (нөмірі 940) міндім. Жолсеріктің аты-жөні – Абзал Ерденбаев. Уақыт та­ңертеңгі 9-дан 10 минут кеткен кез.­ Жолсерікті жаныма шақырып ал­дым да «Сіздің міндетіңізге не кі­реді?» деп сұрадым. Үндемеді. Со­сын айттым «Мына мен 73-ке кел­ген қарт адаммын. Әне қарашы, жас­тар отыр, олар қозғалғысы кел­мейді. Сен неге айтпайсың: жас­тар­ үлкендерге орын беріңдер деп. Сон­да біреуінің ұяты оянып орын бе­рер». Менің бұл сөзіме Абзал былқ еткен жоқ. Мен сол «№17 гим­назия» аялдамасынан «Өнер академиясына» дейін тұрып келдім. Осындай жағдай бас­қалардың да басынан кешіріліп жатқан шығар. Меніңше, жолсерік жолаушылар көлігі мекемесінің өкілі. Ол – мекеме мен жолаушылар арасындағы байланысшы. Біріншіден, өте мәдениетті түрде жолаушылар сұрағына жауап беру керек. Екіншіден, жолсеріктің жо­лақысын алумен ғана шектелмей, жо­­лау­шы­ларға қолайлы жағдай жа­сауға ты­рысқаны жөн болар еді. Үшіншіден, көлік мекемесінің бас­­шылығы жолсеріктермен тәр­бие жұмысын күшейтіп, автобус ішіндегі көрнекі жерге солардың мін­­деттерін іліп қойса, біз жолау­шы­лар заңды талабымызды қояр едік. Астана – елі­міз­­дің бас қаласы. Бас­­қа өңірден кел­ген жолау­шылар­ елорда жол­се­­рік­терінің қыз­метін өз ме­кен­де­рінде үлгі етіп ай­тып жүрсе қандай ғанибет. Біз осыған қашан же­теміз? Онымен қо­са, жолсерік аял­­да­ма­ның атын айтып, «Тү­­се­­тіндер бар ма?» дейді. Жоқ де­се, жүр­гізуші тоқтамай өте шы­ғады. Аял­­дамадағы жолаушы амал­сыз­дан келесі көлікті тосады. Осы келең­сіз­дік­терге қалалық әкім­дік­те­гі жауап­ты қыз­меткерлер көңіл аударып, кө­­лік мекемелері басшыларынан талап етіп отырса дұрыс болар еді.

Еркін ДӘУЕШҰЛЫ,
еңбек ардагері

Пікір жазу

Почтаңыз жарияланбайды

four + seven =