Jol qawipsizdigin qalay arttıramız?

0 18

Senattıñ jalpı otırısında depwtat Nurtöre Jüsip Ükimetke joldağan depwtattıq sawalında jol qawipsizdigi mäselesin köterip, elektrosamokattardıñ qawipsiz paydalanw tärtibin rettewdi talap etti.

JOL QAWİPSİZDİGİN QALAY ARTTIRAMIZ

Resmï derekter boyınşa bïılğı 8 ay işinde osınday qozğalıs quraldarınıñ kesirinen 387 oqïğa tirkelip, nätïjesinde 25 adam qaza taptı, al 411 azamat jaraqat alğan.

– Jol jürisi twralı zañnıñ 64-babına säykes, osı qurılğılar wäkiletti organda memlekettik tirkewge jatpaydı. Sonda qalay bolğanı? Jıldamdığı avtokölik jıldamdığımen para-par, keyde sağatına 60 şaqırımnan asatın elektrosamokattar eşqanday kölik sanatına jatpay ma? Qazirgi waqıtta normatïvtik aktilerde osı tïptegi qurılğılardıñ jiktewi joq, – dep atap körsetti N.Jüsip. Ayta ketw kerek, bıltır Mäjilis depwtattarı elektrosamokattarğa şektew qoyudı orınsız dep eseptep, olardı velosïped joldarında ğana jürwge mindetteytin zañ jobasın qabıldamay tastağan. Atalmış zañ jobasında mïkromobïl'di kölik jürgizwşilerine velosïped joldarı men velosïped jolaqtarın qospağanda, jolda, trotwarlarda, jayaw jürginşiler ötkelderinde jäne joldarda qozğalwğa tıyım salw usınılğan. Depwtat Ïrïna Smïrnova olardı velosïped joldarında ğana jürwge mindetteytin zañ jobasın qabıldamaw sebebin velojoldardıñ azdığımen tüsindirgen. Jalpı tehnïkalıq quraldar tez damıp jatqan kezde zañdar qanşalıqtı jıldam beyimdelip jatır? Mäselen, Ulıbrïtanïyada jekelegen awmaqtan basqa jerlerde samokattardı paydalanwğa tıyım salınğan. Mäskewde adamdar köp şoğırlanğan jerlerde jalğa alatın samokattardıñ jürw jıldamdığı sağatına 15 şaqırımğa deyin şektelgen.

Pikir jazw

Poçtañız jarïyalanbaydı

18 − 4 =