Jeñispen oral, «Astana»!

0 124

r3J5oFiebD4

Keşe «Astana»  fwtbol  komandası  Kïpr eline attandı. WEFA Çempïondar lïgasınıñ pley-off bäsekesine tüsken astanalıqtar 26 tamızdıñ tüninde Nïkosïya qalasında jergilikti «Apoel» komandasımen qarımta oyın ötkizedi. Bul  matçtıñ tikeley reportajı Astanadağı «Qazmedïa» ortalığınıñ ülken ekranınan körsetiletin boladı.

Qarımta oyınğa jürgeli turğan komanda oyınşılarımen Astana qalasınıñ äkimi Ädilbek Jaqsıbekov  kezdesti. Çempïondar lïgasınıñ pley-off bäsekesiniñ birinşi oyınında Kïpr çempïonı «Apoel» komandasın utqan astanalıq fwtbolşılarğa alğıs aytıp,  qarımta oyında sättilik tiledi.

– Öz alañımızdağı oyındı jeñgenimizben, osı jeñisti saqtap qalıp, tarïhï jetistikke qol jetkiziw – Çempïondar lïgasınıñ toptıq twrnïrine ötw qaldı. Endigi maqsat osı. Sizderdiñ osığan deyingi jeñisteriñiz barlıq astanalıqtar üşin biriktirwşi faktor jäne mereke boldı. Stadïonğa otız mıñ janküyerdiñ jïnalğanı – sonıñ ayğağı. Bul jetistikter «Astana» komandasınıñ ewropalıq masştabtağı klwb deñgeyine köterilgenin körsetedi, – dedi elorda basşısı fwtbolşılarmen kezdesken sätinde.

«Astana» komandası keşe keşkisin Nïkosïyağa aman-esen jetti. Olar eki kün jergilikti jağdayğa boy üyretip, särsenbide şeşwşi oyınğa şığadı. «Astana Arena» stadïonında ötken birinşi oyında bizdiñ komanda 1:0 esebimen jeñiske jetken bolatın. Endi, qarımta oyınnan keyingi nätïje boyınşa Çempïondar lïgasınıñ toptıq twrnïrine qay komandanıñ ötetini belgili boladı.

 «Astanağa» qoldaw bildireyik, ağayın!

Ğalım QOJABEKOV

Pikir jazw

Poçtañız jarïyalanbaydı

7 − 7 =