جەڭىسپەن ورال، «استانا»!

0 125

r3J5oFiebD4

كەشە «استانا»  فۋتبول  كومانداسى  كيپر ەلىنە اتتاندى. ۋەفا چەمپيوندار ليگاسىنىڭ پلەي-وفف باسەكەسىنە تۇسكەن استانالىقتار 26 تامىزدىڭ تۇنىندە نيكوسيا قالاسىندا جەرگىلىكتى «اپوەل» كومانداسىمەن قارىمتا ويىن وتكىزەدى. بۇل  ماتچتىڭ تىكەلەي رەپورتاجى استاناداعى «قازمەديا» ورتالىعىنىڭ ۇلكەن ەكرانىنان كورسەتىلەتىن بولادى.

قارىمتا ويىنعا جۇرگەلى تۇرعان كوماندا ويىنشىلارىمەن استانا قالاسىنىڭ اكىمى ادىلبەك جاقسىبەكوۆ  كەزدەستى. چەمپيوندار ليگاسىنىڭ پلەي-وفف باسەكەسىنىڭ ءبىرىنشى ويىنىندا كيپر چەمپيونى «اپوەل» كومانداسىن ۇتقان استانالىق فۋتبولشىلارعا العىس ايتىپ،  قارىمتا ويىندا ساتتىلىك تىلەدى.

– ءوز الاڭىمىزداعى ويىندى جەڭگەنىمىزبەن، وسى جەڭىستى ساقتاپ قالىپ، تاريحي جەتىستىككە قول جەتكىزىۋ – چەمپيوندار ليگاسىنىڭ توپتىق تۋرنيرىنە ءوتۋ قالدى. ەندىگى ماقسات وسى. سىزدەردىڭ وسىعان دەيىنگى جەڭىستەرىڭىز بارلىق استانالىقتار ءۇشىن بىرىكتىرۋشى فاكتور جانە مەرەكە بولدى. ستاديونعا وتىز مىڭ جانكۇيەردىڭ جينالعانى – سونىڭ ايعاعى. بۇل جەتىستىكتەر «استانا» كومانداسىنىڭ ەۋروپالىق ماسشتابتاعى كلۋب دەڭگەيىنە كوتەرىلگەنىن كورسەتەدى، – دەدى ەلوردا باسشىسى فۋتبولشىلارمەن كەزدەسكەن ساتىندە.

«استانا» كومانداسى كەشە كەشكىسىن نيكوسياعا امان-ەسەن جەتتى. ولار ەكى كۇن جەرگىلىكتى جاعدايعا بوي ۇيرەتىپ، سارسەنبىدە شەشۋشى ويىنعا شىعادى. «استانا ارەنا» ستاديونىندا وتكەن ءبىرىنشى ويىندا ءبىزدىڭ كوماندا 1:0 ەسەبىمەن جەڭىسكە جەتكەن بولاتىن. ەندى، قارىمتا ويىننان كەيىنگى ناتيجە بويىنشا چەمپيوندار ليگاسىنىڭ توپتىق تۋرنيرىنە قاي كوماندانىڭ وتەتىنى بەلگىلى بولادى.

 «استاناعا» قولداۋ بىلدىرەيىك، اعايىن!

عالىم قوجابەكوۆ

پىكىر جازۋ

پوچتاڭىز جاريالانبايدى

nine − nine =