Jemqorlıqqa qarsı jïın ötti

0 131

Qoğamdıq damw mïnïstrliginiñ Qoğamdıq kelisim komïtetinde «Dinï ekstremïzmniñ aldın alw jumıstarın uyımdastırw salasında zañ buzwşılıqqa  jol bermew» taqırıbında semïnar keñes ötti.

Qoğamdağı sıbaylas jemqorlıqqa qarsı mädenïet deñgeyin arttırw jäne dinï ekstremïzmniñ aldın alw jumıstarın uyımdastırw salasında zañnama buzwşılığına jol bermew maqsatında ötkizilgen basqoswğa memlekettik qızmetşiler, vedomstvolıq mekemeler, öñirlik din isteri basqarmaları men ortalıqtarı, dinï birlestikter men qoğamdıq uyımdar ökilderi, sonımen qatar osı bağıtta jumıs isteytin ÜEU müşeleri, olardıñ işinde «Terrorïzmge qarsı komïtet», «Dintanwşılar kongresi», «Ardagerler uyımı» qoğamdıq birlestikteri, «Arlan» jastar patrïottıq ortalığı», «Ulağat» qoğamdıq qorı jäne basqa da uyımdar  qatıstı.

Jïında Qoğamdıq damw vïce-mïnïstri Berik Arın söz söylep, quqıq buzwşılıqtardı azaytwğa bağıttalğan sıbaylas jemqorlıqqa qarsı qabıldanğan zañdardı qatañ saqtaw qajettiligi jayında atap ötti. «Sıbaylas jemqorlıq körinisteri qoğamnıñ progressïvti damwına kedergi keltiredi. Sondıqtan memleket pen barlıq azamattıq qoğam ïnstïtwttarı osı jağımsız qubılısqa qarsı turw üşin küş-jigerdi biriktirwi tïis. Atap aytqanda, tek qana jeke komandalarda ğana emes, tutastay qoğamda quqıq buzwşılıqtardı jasaytın jağdaylar men sebepterdi anıqtay otırıp, joyuğa jäne sıbaylas jemqorlıqqa müldem tözbewşilik atmosferasın qurwı qajet», dedi mïnïstrdiñ orınbasarı.

Semïnarğa spïkerler retinde qatısqan Memlekettik qızmet isteri jäne sıbaylas jemqorlıqqa qarsı is-qïmıl agenttiginiñ, Bas prokwratwranıñ, Qarağandı ​​men Pavlodar oblıstarınıñ din isteri jönindegi basqarmalarınıñ jäne Qazaqstan musılmandarınıñ dinï basqarmasınıñ, elimizdegi pravoslav jäne katolïk şirkewleriniñ ökilderi bayandama jasadı. Memlekettik organdardıñ ökilderi Qazaqstandağı zañ buzwşılıqtıñ aldın alw jäne osı bağıtta atqarılıp jatqan şaralardıñ oñ nätïjelerin jetkizdi. Dinï ekstremïzmniñ aldın alw jönindegi jumıstı uyımdastırw salasındağı quqıq buzwşılıqtardı boldırmaw maqsatında qatıswşılarğa täjirïbege engizilgen tetikter  twralı, atap aytqanda, monïtorïng, sıbaylas jemqorlıq täwekelderin taldaw, standarttar, qarjılıq baqılaw şaraları jäne t.b. boyınşa tüsindirmeler berildi. Dinï qızmetkerler ärbir älemdik jäne dästürli dinde adamnıñ ömirin retteytin, onıñ etïkalıq standarttarın körsetetin nusqawlar bar ekenin  jäne olar ärtürli bolsa da, jalpı mağınası jemqorlıqtan bas tartw ekenin atap körsetti.

Qatıswşılar dinï ekstremïzmniñ aldın alw osı saladağı  zañ buzwşılıqtı boldırmaw jöninde  aşıq dïalog jürgizip, nätïjeli pikir almastı.

 

Pikir jazw

Poçtañız jarïyalanbaydı

19 − 16 =