جەكسەنبىلىك مەكتەپتەر جاڭا وقۋ جىلىن باستادى

0 44

نۇر-سۇلتان قالاسى قازاقستان حالقى اسسامبلەياسىنىڭ قولداۋىمەن ەلوردالىق ارميان، نەمىس، ورىس جەكسەنبىلىك ەتنومەكتەپتەر جاڭا وقۋ جىلىن باستادى.

 

«ۆان» ارميان مادەني ور­تالىعى» قب ارميان جەكسەنبىلىك مەكتەبىنىڭ جاڭا وقۋ جىلىنىڭ باستالۋىنا ارنالعان مەرەكەلىك ءىس-شاراسىن وتكىزدى. جاڭا وقۋ جىلىنىڭ باستالۋىمەن بالالاردى نۇر-سۇلتان قالاسى قحا حاتشىلىعىنىڭ مەڭگەرۋشىسى ءلاززات قۇسا­يىنوۆا، ارمەنيا رەسپۋب­ليكاسىنىڭ قازاقستانداعى توتەنشە جانە وكىلەتتى ەلشىسى گاگيك گالاچيان دا بالالاردى جاڭا وقۋ جىلىنىڭ باستالۋىمەن قۇتتىقتادى.
«ۆان» ارميان مادەني ورتالىعىنىڭ توراعاسى سااك سالۋمياننىڭ ايتۋىنشا، وسى جىلدا ارميان جەكسەنبىلىك مەكتەبىندە 4 سىنىپ بويىنشا 40 وقۋشى ءبىلىم الاتىن بولادى.
ال «ۆوزروجدەنيە» نەمىس­تەر قوعامىنىڭ عيماراتىندا وتكەن نەمىس جەكسەنبىلىك مەكتەبى جاڭا وقۋ جىلىنىڭ اشىلۋ سالتاناتىنا گەرمانيادان ارنايى كەلگەن مادەنيەت سۇراقتارى بويىنشا اسسيستەنت انتون حاۋر مەرەكەلىك ءىس-شاراعا قاتىستى. ءوز كەزەگىندە «لاد» رەسپۋبليكالىق سلاۆيان قوزعالىسىنىڭ ەلوردالىق فيليالىنىڭ ورىس جەكسەنبىلىك مەكتەبى دە 2019-2020 جىلعا ارنالعان جاڭا وقۋ جىلىنا ارنالعان العاشقى ساباقتارىن وتكىزدى. بۇل جولى مەكتەپكە 15-تەن اسا جاڭا وقۋشى قابىلداندى.

پىكىر جازۋ

پوچتاڭىز جاريالانبايدى