JAZ ISTIĞINDA – JAĞAJAYDA

0 150

IMG_4623

«Şomılwşılar esil swınıñ sanïtarlıq jağdayınan qorıqpawına boladı» dep sendiredi mamandar

Elordalıqtardıñ deni Esilge şomılıp, şildeniñ aptabında jağajayda tınıstağandı täwir köredi. Osındayda demalwşılarğa eñ qolaylı orın – Ortalıq sayabaqtağı jağajay ekeni belgili. Bïılğı jaz aptabımen şomılw mawsımın qızdıra tüskendey. Alayda, özen swı sanïtarlıq talaptarğa qanşalıqtı say? Osını bilmek üşin äweli Astana qalası boyın­şa Tutınwşılar quqığın qorğaw departamentiniñ kommwnaldıq nısandardı baqılaw böliminiñ basşısı Qarlığaş Äbdişevağa habarlasqan edik.

– Elordanı eki bölip jatqan Esil özeniniñ 50 şaqırımday böliginiñ sanïtarlıq jağdayı tolığımen bizdiñ qadağalawımızda dep aytwğa boladı. Ağındı sw özin-özi tazalay­dı dep aytsaq ta, Esildiñ swı lay­­lanıp, lastanatın kezi erte köktem­niñ basına keledi. Qar erip, jıl­ğalardan aqqan qızıl sw Esil­diñ arnasına quyılğanda swdıñ qura­mınıñ sanïtarlıq körset­kiş­terinde qalıptı jağ­daydan awıtqwşılıqtar boladı. Alayda, jer degdigende, ağındı swmen özenniñ arnası tazarıp, swı tabïğï qalpına keledi.

Şomılw mawsımı bastalğalı da swdıñ sanïtarlıq jağdayın udayı tekserip otırmız. Jalpı, bekitilgen tärtip boyınşa şomılatın kezeñniñ basında jıl sayın keminde eki ret hïmïyalıq jäne mïkrobïologïyalıq kör­set­kişter boyınşa hïmïyalıq-mïkrobïologïyalıq tekserwden ötkizw qajet. Şomılw kezeñinde jağa­jaydağı sw ayına eki ret hïmïyalıq-mïkrobïologïyalıq tekserwden ötkiziledi (sınama keminde eki jerden alınadı). Sw şomılw aymağınan bir kïlometr joğarı ara qaşıqtıqtağı ağınnan jäne şomılw aymağınıñ eki jağınan 0,1-1,0 kïlometr ara qaşıqtıqtağı swdan, sonday-aq şomılw aymağınıñ şekarasınan alınadı, – deydi Qar­lığaş Äbdişeva. Mamannıñ aytwınşa, jaz bastal­ğalı beri özen swınan otızdan astam sınama alınıptı. Barlıq mïkro­bïo­logïyalıq, sanïtarlıq, hïmïyalıq, vïrwso­lo­gïyalıq, parazïtologïyalıq kör­set­­kişter boyınşa tekserwden ötki­zildi. Onıñ qorıtındısı boyınşa, Esildiñ swı barlıq talaptarğa say dep aytwğa boladı.

Alayda, mäseleniñ bir uşı swda maltw kezindegi qawipsizdikke kelip tireledi. Qalalıq jağajayda qayğılı jağdaylarğa jol bermes üşin qutqa­rwşılar kündiz-tüni kezekşilik etedi. Elordalıq Tö­tenşe jağdaylar departamentiniñ qız­metkerleri qawipsizdik erejelerin nasïhattap, tïisti aqparattarmen qamtïdı. Şomılwğa tıyım salınğan jerlerde tıyım salw belgileri ornatıp, onı qadağalaw jumısı da osı vedomstvonıñ mindeti.
– Swda qutqarw qızmeti adam­dardıñ ömirin qorğaw jumıs­ta­rımen qatar, tabïğï, tehnogendik sïpattağı apat­tardıñ saldarın joyu, swğa ket­ken adamdardı iz­destirw qızmetterin at­qaradı. Maw­sım bastalğalı beri swğa batqan 17 adamdı qutqardıq, – deydi qalalıq TJD Swdağı qutqarw qız­metiniñ basşısı Ermek Älibekov.

Rasında da, şomılwğa arnalğan, kölemi üş jüz metrge sozılıp jat­qan qalalıq jağajaydıñ jağası oypawıt emes, tabanında oy-şuqırı joq tegis kelgen. Şomılwğa arnalğan swdıñ şegi qaltqı-belgilermen ayqındalğan. Aydınınıñ tübi bal­­dırlardan, butaqtardan, üşkir tas­tardan ada. Jağasına jumsaq qum töselgen, künnen tasalaytın qalqandar, jatatın orındar men orındıqtar, sebezgiler, kïim awıs­tırwğa arnalğan kabïnalar, äjet­hanalar, awız sw burqaqtarımen jabdıqtalğan jağajaydıñ jayı janğa jaylı dep aytwğa boladı. Alayda, keybir jandar osınday jan-jaqtı jağday jasalmağan, oñaşa jerde tüsemiz dep sw tübine tartılıp ketip, qayğılı jağdayğa dwşar bop jatatını jasırın emes. Sondıqtan da mamandar tek belgilengen jerlerde ğana maltwğa keñes beredi.

Pikir jazw

Poçtañız jarïyalanbaydı

three × five =