«Астана ақшамы»
Ел жүрегі – елорда шежіресі

ЖАСЫЛ ЖЕЛЕК КӨБЕЙДІ

0 172

Бүгін Сарыарқа ауданында өткен сенбілікке 28 мың адам атсалысты.  «Таза қала – бақытты қала!» деп аталған бұл шараға белгілі өнер иелері Роза Рымбаева мен Досымжан Таңатаров қатысып, астаналықтармен бірге жұмысқа белсене кірісіп кетті.

KONICA MINOLTA DIGITAL CAMERA

Халық әртісі бірден шаруаға икемділігін байқатып, көпшілікке үлгі болды. «Бәрінің көзі менде: жұмысты тоқтатып қойып, суретке түсіріп жатыр. Алдымен сенбілікті бітіріп алайық, фотоға түсіп үлгереміз ғой» деп күлді Роза Қуанышқызы. Ерекше ептілікпен қолына күрек ұстаған ол аса ыждағатпен ағаш отырғызды. «Күреудің түк қиындығы жоқ екен. Азғантай қарап тұрып, тізені бүгу арқылы қолға күш беру керектігін бірден түсініп алдым» дейді.

KONICA MINOLTA DIGITAL CAMERA

Ал, эстрада әншісі Досымжан Таңатаров: «Астана тұрғыны ретінде сенбіліктен қалмауға тырысамын. Бүгін – бәрі көңілді. Ауа-райы да керемет. Еңбек етудің арқасында қан айналады, шекеден шыпшып тер шығады. Ағаш егіп болған соң, сенбілікті өзім жұмыс істейтін Президент оркестрі алдында жалғастыруға ниеттімін» деп, ұл-қызына да табиғатты аяулауға үйрететінін айтты.

САДИТ ДЕРЕВО
Н.Тілендиев даңғылындағы «Рахмет» сауда үйі алдында қарағай, үйеңкі, терек, бадам бұтасы сынды 260 көшет егілді. «18 мамырға дейін пәтер иелері кооперативтері, елордалық кәсіпорындар, мектептермен тығыз жұмыс жасап, тағы екі мың түп ағаш отырғызамыз» деді.
смайлик
Сарыарқа ауданы әкімі Павел Кулагин «Астана Көгалдандыру құрылысы» да гүлзарларды жасыл желекке бөлеп, саябақтарды тазартуға белсене қатысты.
KONICA MINOLTA DIGITAL CAMERA

Ал, №4 қалалық емхананың ұжымы мекеме алдында шие, құлпынай, қарақат егуді қолға алғалы бес-алты жыл болыпты. Бұл бастаманы дәрігерлер көтеріпті. «Жемістер піскен уақытында өзіміз де, пациенттер де шетінен алып жейді. Дәрумен ғой» дейді олар.

KONICA MINOLTA DIGITAL CAMERA

Министрлік қызметкерлері, ұлттық компаниялардың өкілдері, сондай-ақ Қазақ агротехникалық университеті, «Тұран Астана», «Астана медициналық университеті» сынды жоғары оқу орындарының студенттері Софиев шоссесі мен Алаш тас жолының бойын күл-қоқыстан тазартты. Жалпы, бүгінгі сенбілікке Сарыарқа ауданы бойынша 100 техника, 80 жүк көлігі мен 20 тиеуіш машина жұмылдырылды.

Мәдина ЖАҚЫП
Пікір жазу

Почтаңыз жарияланбайды