«Жасыл кварталға» конкурс жарияланды

0 106

Мемлекет басшысы Н.Назарбаевтың тапсырмасымен «Самұрық-Қазына» ұлттық әл-ауқат қоры» АҚ-ға Астана қаласында «Жасыл квартал» құрылыс жобасын іске асыру жүктелді. Жобаның операторы ретінде «Самұрық-Қазына» Жылжымайтын мүлік қоры» АҚ белгіленді. Осыған орай, «Самұрық-Қазына» жылжымайтын мүлік қоры» АҚ Астана қаласындағы «Жасыл квартал» аумағын қала құрылысымен дамыту тұжырымдамаларын әзірлеуге халықаралық конкурс жариялайды (шеберлік-жоспарлар, макеттер, эскиздер мен алдын ала техникалық-экономикалық негіздеме қоса берілуі тиіс).

Байқаудың мақсаты – «Жасыл­ квартал»­ тұжырымдамасын айқын­дау, эс­киз­дік, сәулеттік және құрылыс жо­баларын әзірлеу жұмысына зама­науи, бірегей, аса тартымды ди­зай­нер­лік және құрылыс идеяларын жә­не шешімдерді іздестіру болып табылады. Халықаралық байқау 2013 жылғы 25 ақпаннан бастап 5 сәуірге дейінгі аралықта өткізіледі. Шараға заң­ды және жеке тұлғалар, авторлар мен авторлық ұжымдар, жобалау ұйымдары, сондай-ақ, сәулетшілер мен жобалаушылар қатыса алады. Конкурс тапсырыстарын бағалау барысында «Жасыл квартал» аумағына ба­ла­ма энергия көздері есебінен сырт­қы жарық беру, ағаштар мен сән­дік бұталар арқылы көгалдандыру, гүл­зарлар, демалыс орындары, ба­­ла­­лардың ойын алаңқайлары, бел­­сен­­ді демалыс орындары секілді тұ­­­­тастай нысандар қамтылған жобалар назарға алынады. Жеңімпазды ай­­қындауда тапсырыстың халық­ара­лық­ экологиялық жобалау стандарттарына (LEED, BREEAM, DGNB) сәйкестігін қамтамасыз ететін технологиялардың қолданылуы да ес­керілетін болады. Тұрғын және әкім­ші­лік ғимараттары, саябақ аймақтары, сауда, ойын-сауық орталықтары мен әлеуметтік-экономикалық нысандар салу, инновациялық технологиялар мен экологиялық таза құрылыс, сон­дай-ақ, жаңартылатын энергия көз­­дері саласындағы халықаралық тә­­­жірибе қолданыла отырып, аста­­на­­лықтар үшін аса жайлы орын құ­­ра­­латын болады.

Е.СӘТІМБЕК, Е.ЖАНАТ

Пікір жазу

Почтаңыз жарияланбайды

11 + 16 =