جاستارعا ارنالعان جارمەڭكە

0 26

قازاق تەحنولوگيا جانە بيزنەس ۋنيۆەرسيتەتىنىڭ عيماراتىندا جوعارى كۋرس ستۋدەنتتەرىنە، ءبىلىم بەرۋ ۇيىمدارىنىڭ تۇلەكتەرىنە جانە جۇمىسسىز جاستارعا ارنالعان بوس جۇمىس ورىندارىنىڭ جارمەڭكەسى ءوتتى. اتالعان شارانى نۇر-سۇلتان قالاسى اكىمدىگىنىڭ «استانا جاستارى» كوممۋنالدىق مەملەكەتتىك مەكەمەسى ۇيىمداستىردى.جارمەڭكەدە 30 جۇمىس بەرۋشى 150-دەن استام بوس جۇمىس ورنىن ۇسىندى. ونىڭ ىشىندە «سامۇرىق-قازىنا» كورپوراتيۆتىك ۋنيۆەرسيتەتى، «نۇربانك» اق، نۇر-سۇلتان قالاسى اكىمدىگىنىڭ «حالىقتى جۇمىسپەن قامتۋ ورتالىعى» كمم، «Bazis Construction» جشس، «پيك يۋتاريا LTD» جشس، «Sa Belle» ءسان ءۇيى جانە باسقا دا مەكەمەلەر بار.
– ۇسىنىلعان بوس جۇمىس ورىندارى اراسىندا ماركەتولوگ، زاڭگەر، ينجەنەر، ساتۋ ءبولىمىنىڭ باسشىسى، مەملەكەتتىك ساتىپ الۋ جونىندەگى مامان، ديزاينەر، كرەديتتىك كەڭەسشى جانە مەنەدجەر، جۋرناليست، قارجىگەر، وندىرىستىك ءبولىمنىڭ مەڭگەرۋشىسى، جۇيەلىك اكىمشى، بۋحگالتەر، سلەسار-جوندەۋشى، Sمم-مەنەدجەر، ساتۋ جونىندەگى ديرەكتور سەكىلدى ماماندار سۇرانىسقا يە بولدى. كەز كەلگەن ادام قۇندى كەڭەستەر الىپ، جۇمىسقا ورنالاسۋعا مۇمكىندىك بەرەتىن شاراعا 200-دەن استام جاس قاتىستى، – دەدى «استانا جاستارى» كمم كاسىبي باعدار بەرۋ جانە جۇمىسپەن قامتۋ ءبولىمىنىڭ مامانى ءمولدىر امانجولوۆا.
جارمەڭكەدە جاستار وزدەرى قالاعان سالاداعى بوس جۇمىس ورىندارىن زەرتتەپ، بىرنەشە جۇمىس بەرۋشىمەن ءبىر جەردە تىكەلەي سۇحباتتاسۋعا مۇمكىندىك الدى. بۇل شارا وقۋدى ەندى عانا ءبىتىرىپ وتىرعان جاستار ءۇشىن دە، تاجىريبەسى بار، بىراق قانداي دا ءبىر سەبەپتەرگە بايلانىستى جۇمىس تابا الماي جۇرگەن ىزدەنۋشىلەر ءۇشىن دە وتە پايدالى. الداعى ۋاقىتتا وسىنداي جارمەڭكەلەر جىل بويى قالانىڭ ءىرى جوعارى وقۋ ورىندارىندا ۇيىمداستىرىلىپ تۇرماقشى.

پىكىر جازۋ

پوچتاڭىز جاريالانبايدى