Jastardıñ jağdayı jaqsarsın desek…

0 36

Nur-Sultan qalası mäslïhatınıñ zañdılıq, quqıqtıq tärtip jäne jurtşılıqpen jumıs jönindegi turaqtı komïssïyanıñ kezekti otırısı ötti. Jïında qalalıq Jastar sayasatı mäseleleri basqarmasınıñ basşısı Qayrat Qambarov 2021-2023 jıldarğa arnalğan «Elorda jastary» bağdarlamasın resmï türde tanıstırdı.

Qalamızda 14-29 jastağı azamattardıñ jalpı sanı – 230 mıñ. Qosşı,Talapker, Qoyandı, Ïl'ïnka awıldarın qosa sanaytın bolsaq – 250 mıñ. Bağdarlamada atalğan azamattarğa 4 bağıt boyınşa naqtı qoldaw körsetw közdelip otır. Jobanı dayındaw barısında qala basşılığınıñ qatıswımen 12 oflayn jäne onlayn kezdeswler ötkizilgen. Sonday-aq Google-da jürgizilgen sawalnamağa belsendi jastardan 3000-nan astam usınıs­tar kelip tüsti. Jastar sayasatı mäseleleri basqarmasınıñ basşısı bağdarlamanıñ 4 bağıtı ayasında jüzege asırw josparlanğan is-şaralarğa egjey-tegjeyli toqtaldı.
– Birinşi, sapalı jäne qoljetimdi bilim bağıtında jaña Oqwşılar sarayın salwdı, 2021-2023 jıldar aralığında joğarı oqw orındarına (bilim berw, densaw­lıq saqtaw jäne älewmettik qorğaw salalarında) 2142 bilim grantın bölwdi, WorldSkills, JuniorSkills, DeafSkills aymaqtıq jäne ulttıq çempïonattarına qatısw üşin quzıretter sanın (3 jıl işinde 114-ke deyin) arttırwdı, tehnïkalıq jäne käsiptik bilimi bar memlekettik bilim berw tapsırıstarın 3 jıl işinde 10806 grantqa deyin ulğaytwdı, «Eñbek» memlekettik bağdarlaması ayasında 3 jılğa 3150 kadr dayarlawdı josparlap otırmız. Ekinşi, käsipke bağdar, jumıspen qamtw jäne jastar käsipkerligi bağıtı boyınşa stwdentter üyiniñ qurılısı men «Jasıl el» jastar eñbek jasaqtarın damıtw közdelgen. Sonday-aq 35 jasqa deyingi jastarğa jıldıq payızdıq mölşeri 5 payızben, nesïelew merzimi 25 jılğa de­yin, bastapqı jarnası 10 payız tölemmen 600 päterge arnalğan «Elorda zhastary» jeñildetilgen nesïelew bağdarlamasın engizw josparlanwda, osı bağdarlama qala äkimi Altay Seydirulınan qoldaw taptı. Qazirgi tañda biz Ekonomïka jäne byudjettik josparlaw basqarması, Turğın üy jäne turğın üy ïnspekcïyası basqarması jäne Otbası bankimen birlesip päter berw jäne qarjılandırw erejeleri boyınşa jumıs istewdemiz. «Elorda zhastary» jeñildetilgen nesïelew bağdarlamasına qalalık byudjetten 1 mlrd teñge bölwdi suraymız, – dedi Jastar sayasatı mäseleleri basqarmasınıñ basşısı.
Depwtat G.Japarova bayandamaşığa qaytalanwdı boldırmaw üşin äkimniñ bilim berw granttarın bölw mäselelerin bilim berw salasındağı wäkiletti organmen keliswdi usınsa, V.Sergeev balalardı oqıtwdı qarjılandıra almay jürgen jalğızbastı analar sanatına nazar awdarwdı, bir bölmeli päter üşin 13 mln teñge tübirtegin qayta qarawdı usındı, öytkeni qalada bir bölmeli päterdiñ bağası 15 mln teñgeden bastaladı.
Qalalıq mäslïhat hatşısı E.Kanalïmov turaqtı komïssïya jumısın qorıtındılay kele, «Elorda jastary» bağdarlamasınıñ özekti jäne qajet ekenin atap ayttı.
Odan keyin depwtattar «Bereke», «Astana», «Bäyterek», «Taqtay» awla klwbtarın aralap, üyirmelerdiñ jağdayımen tanıstı. Bir ökiniştisi, bügingi tañda awla klwbtarınıñ materïaldıq, tehnïkalıq bazası äbden eskirgen. Biz barğan «Bereke» awla klwbınıñ jılw jüyesi isten şıqsa, qalğan klwbtardağı sanïtarlıq normalar men qawipsizdik jağdayı köñil könşitpeydi. «Kezinde awla klwbtarın aşw kerek bolğan soñ, qay jer bos, sol jerdi paydalana berdi. Awla klwbtarınıñ barlığı jertölelerde ornalasqan. Jertöleden şığıp, aynaladağı basqa da jaqın ğïmarattarğa awıswımız tïis. Bul jer bala densawlığına da, tärbïe isine de keri äserin tïgizedi. Sondıqtan awla klwbtarına qarjı bölw mäselesin, jalpı tenderdi 1 jıldan 3 jılğa uzartqanımız abzal» dedi Qayrat Qambarov.
«Awla klwbtarınıñ jağdayına tolıq közimiz jetip otır. Endi şet awdandardan klwbtardı köptep aşıp, tehnïkalıq bazasın qayta jañartamız dep oylaymın. Tärbïeşilerge jastardı tartıp, eñbekaqıların köbeytip, bilim sapasın jaqsartw kerek» dedi mäslïhat depwtatı Serik Tüsipov.

Köktem QARQIN

Pikir jazw

Poçtañız jarïyalanbaydı

2 + 18 =