جاستاردىڭ جاعدايى جاقسارسىن دەسەك…

0 36

نۇر-سۇلتان قالاسى ءماسليحاتىنىڭ زاڭدىلىق، قۇقىقتىق ءتارتىپ جانە جۇرتشىلىقپەن جۇمىس جونىندەگى تۇراقتى كوميسسيانىڭ كەزەكتى وتىرىسى ءوتتى. جيىندا قالالىق جاستار ساياساتى ماسەلەلەرى باسقارماسىنىڭ باسشىسى قايرات قامباروۆ 2021-2023 جىلدارعا ارنالعان «Elorda jastary» باعدارلاماسىن رەسمي تۇردە تانىستىردى.

قالامىزدا 14-29 جاستاعى ازاماتتاردىڭ جالپى سانى – 230 مىڭ. قوسشى،تالاپكەر، قوياندى، يلينكا اۋىلدارىن قوسا سانايتىن بولساق – 250 مىڭ. باعدارلامادا اتالعان ازاماتتارعا 4 باعىت بويىنشا ناقتى قولداۋ كورسەتۋ كوزدەلىپ وتىر. جوبانى دايىنداۋ بارىسىندا قالا باسشىلىعىنىڭ قاتىسۋىمەن 12 وفلاين جانە ونلاين كەزدەسۋلەر وتكىزىلگەن. سونداي-اق Google-دا جۇرگىزىلگەن ساۋالناماعا بەلسەندى جاستاردان 3000-نان استام ۇسىنىس­تار كەلىپ ءتۇستى. جاستار ساياساتى ماسەلەلەرى باسقارماسىنىڭ باسشىسى باعدارلامانىڭ 4 باعىتى اياسىندا جۇزەگە اسىرۋ جوسپارلانعان ءىس-شارالارعا ەگجەي-تەگجەيلى توقتالدى.
– ءبىرىنشى، ساپالى جانە قولجەتىمدى ءبىلىم باعىتىندا جاڭا وقۋشىلار سارايىن سالۋدى، 2021-2023 جىلدار ارالىعىندا جوعارى وقۋ ورىندارىنا ء(بىلىم بەرۋ، دەنساۋ­لىق ساقتاۋ جانە الەۋمەتتىك قورعاۋ سالالارىندا) 2142 ءبىلىم گرانتىن ءبولۋدى، WorldSkills, JuniorSkills, DeafSkills ايماقتىق جانە ۇلتتىق چەمپيوناتتارىنا قاتىسۋ ءۇشىن قۇزىرەتتەر سانىن (3 جىل ىشىندە 114-كە دەيىن) ارتتىرۋدى، تەحنيكالىق جانە كاسىپتىك ءبىلىمى بار مەملەكەتتىك ءبىلىم بەرۋ تاپسىرىستارىن 3 جىل ىشىندە 10806 گرانتقا دەيىن ۇلعايتۋدى، «ەڭبەك» مەملەكەتتىك باعدارلاماسى اياسىندا 3 جىلعا 3150 كادر دايارلاۋدى جوسپارلاپ وتىرمىز. ەكىنشى، كاسىپكە باعدار، جۇمىسپەن قامتۋ جانە جاستار كاسىپكەرلىگى باعىتى بويىنشا ستۋدەنتتەر ءۇيىنىڭ قۇرىلىسى مەن «جاسىل ەل» جاستار ەڭبەك جاساقتارىن دامىتۋ كوزدەلگەن. سونداي-اق 35 جاسقا دەيىنگى جاستارعا جىلدىق پايىزدىق مولشەرى 5 پايىزبەن، نەسيەلەۋ مەرزىمى 25 جىلعا دە­يىن، باستاپقى جارناسى 10 پايىز تولەممەن 600 پاتەرگە ارنالعان «Elorda zhastary» جەڭىلدەتىلگەن نەسيەلەۋ باعدارلاماسىن ەنگىزۋ جوسپارلانۋدا، وسى باعدارلاما قالا اكىمى التاي سەيدىرۇلىنان قولداۋ تاپتى. قازىرگى تاڭدا ءبىز ەكونوميكا جانە بيۋدجەتتىك جوسپارلاۋ باسقارماسى، تۇرعىن ءۇي جانە تۇرعىن ءۇي ينسپەكتسياسى باسقارماسى جانە وتباسى بانكىمەن بىرلەسىپ پاتەر بەرۋ جانە قارجىلاندىرۋ ەرەجەلەرى بويىنشا جۇمىس ىستەۋدەمىز. «Elorda zhastary» جەڭىلدەتىلگەن نەسيەلەۋ باعدارلاماسىنا قالالىك بيۋدجەتتەن 1 ملرد تەڭگە ءبولۋدى سۇرايمىز، – دەدى جاستار ساياساتى ماسەلەلەرى باسقارماسىنىڭ باسشىسى.
دەپۋتات گ.جاپاروۆا بايانداماشىعا قايتالانۋدى بولدىرماۋ ءۇشىن اكىمنىڭ ءبىلىم بەرۋ گرانتتارىن ءبولۋ ماسەلەلەرىن ءبىلىم بەرۋ سالاسىنداعى ۋاكىلەتتى ورگانمەن كەلىسۋدى ۇسىنسا، ۆ.سەرگەەۆ بالالاردى وقىتۋدى قارجىلاندىرا الماي جۇرگەن جالعىزباستى انالار ساناتىنا نازار اۋدارۋدى، ءبىر بولمەلى پاتەر ءۇشىن 13 ملن تەڭگە تۇبىرتەگىن قايتا قاراۋدى ۇسىندى، ويتكەنى قالادا ءبىر بولمەلى پاتەردىڭ باعاسى 15 ملن تەڭگەدەن باستالادى.
قالالىق ءماسليحات حاتشىسى ە.كاناليموۆ تۇراقتى كوميسسيا جۇمىسىن قورىتىندىلاي كەلە، «Elorda jastary» باعدارلاماسىنىڭ وزەكتى جانە قاجەت ەكەنىن اتاپ ايتتى.
ودان كەيىن دەپۋتاتتار «بەرەكە»، «استانا»، «بايتەرەك»، «تاقتاي» اۋلا كلۋبتارىن ارالاپ، ۇيىرمەلەردىڭ جاعدايىمەن تانىستى. ءبىر وكىنىشتىسى، بۇگىنگى تاڭدا اۋلا كلۋبتارىنىڭ ماتەريالدىق، تەحنيكالىق بازاسى ابدەن ەسكىرگەن. ءبىز بارعان «بەرەكە» اۋلا كلۋبىنىڭ جىلۋ جۇيەسى ىستەن شىقسا، قالعان كلۋبتارداعى سانيتارلىق نورمالار مەن قاۋىپسىزدىك جاعدايى كوڭىل كونشىتپەيدى. «كەزىندە اۋلا كلۋبتارىن اشۋ كەرەك بولعان سوڭ، قاي جەر بوس، سول جەردى پايدالانا بەردى. اۋلا كلۋبتارىنىڭ بارلىعى جەرتولەلەردە ورنالاسقان. جەرتولەدەن شىعىپ، اينالاداعى باسقا دا جاقىن عيماراتتارعا اۋىسۋىمىز ءتيىس. بۇل جەر بالا دەنساۋلىعىنا دا، تاربيە ىسىنە دە كەرى اسەرىن تيگىزەدى. سوندىقتان اۋلا كلۋبتارىنا قارجى ءبولۋ ماسەلەسىن، جالپى تەندەردى 1 جىلدان 3 جىلعا ۇزارتقانىمىز ابزال» دەدى قايرات قامباروۆ.
«اۋلا كلۋبتارىنىڭ جاعدايىنا تولىق كوزىمىز جەتىپ وتىر. ەندى شەت اۋدانداردان كلۋبتاردى كوپتەپ اشىپ، تەحنيكالىق بازاسىن قايتا جاڭارتامىز دەپ ويلايمىن. تاربيەشىلەرگە جاستاردى تارتىپ، ەڭبەكاقىلارىن كوبەيتىپ، ءبىلىم ساپاسىن جاقسارتۋ كەرەك» دەدى ءماسليحات دەپۋتاتى سەرىك ءتۇسىپوۆ.

كوكتەم قارقىن

پىكىر جازۋ

پوچتاڭىز جاريالانبايدى

five × 3 =