JASTARDI JAQSILIQQA JETELEYDİ

0 104

Astanada «Nur Otan» HDP bastawış partïya uyımdarınıñ jetekşileri bas qostı. Jïın älewmettik jañğırtw jäne «Jumıspen qamtw – 2020» bağdarlaması ayasında oqıtw, jumısqa ornalastırw mäselelerine arnaldı.

Astana qalası Jumıspen qamtw ortalığınıñ dïrektorı Amanjol Äbdirahmanovtıñ aytwınşa, jıl sayın elordağa şamamen 25 mıñ adam keledi eken.

Al, ortalıqqa däl bügingi küni resmï türde 8046 jumıssız tirkelipti.

Onıñ şamamen 70 payızın, yağnï 5 mıñğa jwığın jumıssız äyelder quraydı. Jumıssızdar sanınıñ jartısınan astamı 29 jasqa deyingi jastar.

Munıñ sebebin ortalıq basşısı bılay tüsindiredi: qazirgi küni qalada negizinen näzikjandılar tañdaytın bwhgalter, şaştaraz sındı mamandıqtarğa suranıs müldem joq dese boladı. Kerisinşe, qurılısşı, elektrïk, santehnïk sındı qurılıs salasınıñ maman­darı jetispeydi.

Jumıssızdıq mäselesin şeşw üşin memleket osı bağdarlama ayasında 1 mlrd teñgeden astam qarjı bölingeni belgili.

Partïyanıñ elordalıq fïlïalı basşısınıñ birinşi orınbasarı Qayrat Jañabergenov osı qarjını tïimdi ïgerw üşin jawaptı organdar jumıstı özara üylestire bilw kerektigin ayttı.

Memleket basşısı Nursultan Nazarbaev «Qazaqstannıñ älewmettik jañğırtılwı: Jalpığa Ortaq Eñbek Qoğamına qaray 20 qadam» attı bağdarlamalıq maqalasında elimizdiñ ekonomïka, ğılım tärizdi älewmettik salalarına jañğırtwlar qajettigin basa aytqanı belgili. Maqalada osı maqsattağı 5 bağıttı anıqtap, onı jüzege asırwdıñ alğaşqı 20 qadamın da körsetip berdi.

«Nur Otan» HDP Astana qalalıq fïlïalı törağasınıñ birinşi orınbasarı Qayrat Jañabergenovtiñ aytwınşa, älewmettik-ekonomïkalıq jañğırw otandıq qadrlardı jüyeli türde oqıtw jäne qayta dayarlawdı qajet etedi. Sonda ğana kadrlar älewetin küşeyte alamız.

Memleket basşısı da öz sözinde kez kelgen mamandıqta käsibïlik pen şeberliktiñ qajet ekendigin, sonday-aq, şetelde bilim alıp jürgen qazaq jastarınıñ Otanına oralıp, täjirïbelerimen böliswi mindettigin aytqan bolatın.

Basqoswğa jïnalğandar «Jumıspen qamtw – 2020» bağdarlamasın jüzege asırwdağı olqılıqtardı osı bastan qolğa alw qajet degen qorıtındımen tarastı.

Şınar DOSAN

Pikir jazw

Poçtañız jarïyalanbaydı

six + 2 =