Жәрмеңкеде жұмыс ұсынды

0 25

Нұр-Сұлтан қаласы әкімдігінің «Астана жастары» мекемесі «2020-2021 жылдарға арналған жұмыспен қамтудың жол картасы» бағдарламасын іске асыру аясында ZOOM платформасында онлайн форматта елордалық жоғары оқу орындары түлектері мен елорданың жұмыссыз жастары үшін бос орындар жәрмеңкесін өткізді.

Іс-шараға «Нұрсұлтан Назарбаев халықаралық әуежайы» АҚ, «Цесна-Астық» концерні» ЖШС, «Magnum Cash & Carry» ЖШС, «Самұрық-Қазына» АҚ «Samruk Qyzmet» бірыңғай онлайн рекрутинг платформасы, «Астана-Медикер» ЖШС, «Қазгидромет» РМК және басқа да түрлі қызмет бағыттарындағы 30-ға жуық компания қатысты.
Жәрмеңкеге қатысу үшін 100-ден астам ізденуші тіркеліп, конференция барысында белсенді қызығушылық танытты. Жұмыс берушілер жұмыс тәжірибесі бар мамандарды да, студенттерді де өз ұйымдарына әрі қарай жұмысқа орналастыра отырып, практикаға шақырды.

Пікір жазу

Почтаңыз жарияланбайды

4 + 9 =