Jarïya etwdiñ jay-japsarı

0 125

Astana qalası Qarjı basqarmasınıñ mälimeti boyınşa jergilikti atqarwşı organdar janındağı Mülikti zañdastırw jönindegi ko­mïssïyalarğa ağımdağı jıl­dıñ 14 mawsımına deyin Qazaqstan Respwblïkası aw­mağında ornalasqan mülikti jarïya etw boyınşa jalpı soması 90,7 mlrd teñgege ba­ğalanatın 6860 ötiniş kelip tüsken.

100_naktyi_kadam

Sonıñ işinde ötinişterdi qabıldaw jağınan Almatı awdanınıñ äkimdigi köş basında keledi.
Osı awdanğa 50,6 mlrd teñge somasına 3220 ötiniş kelip tüsken. Sarıarqa awdanınıñ äkimdigine 2509 ötiniş, al Esil awdanınıñ äkimdigine 1131 ötiniş joldanğan. Qarjığa şaqqanda somaları da säykesinşe, 15,0 mlrd teñge jäne 25,1 mlrd teñgeni quraydı.
Osınıñ işinde komïssïyalar turğın jaylar, turğın emes jaylar (kommercïyalıq nısandardı qosqanda) boyınşa ötinişterdi qarap, 2875 ötiniş boyınşa oñ şeşim şığardı. Soğan say 29,9 mlrd teñgeniñ 6254 nısanı zañdastırıldı.
Atap aytsaq, 3263 turğın jay (jalpı soması 20,3 mlrd teñge), 5,4 mlrd teñgeniñ 241 kom­mercïyalıq nısanın qosqanda 2986 turğın emes jay (9,1 mlrd teñge) jarïya etildi. Osılardıñ işinde 5 zañdı tulğanıñ qatısw ülesi 457,9 mıñ teñgeni quradı.
Mülikti zañdastırw nawqanı bastaw alğalı qarjını jarïya etw boyınşa 276,3 mlrd teñge somasına 151 arnayı deklaracïya tapsırıldı. Sonday-aq, 8110 mıñ teñgeniñ qundı qağazdarı jarïya etildi. Barlıq qabıldanğan deklaracïyalar boyınşa qarjı ekinşi deñgeyli bankterde aşıl­ğan ağımdağı esepşottarğa alımdar töleminsiz awdarılıp, zañdastırıldı.
Jalpı, elimizde jürgizilip jatqan mülikti zañdastırw naw­qanına qatıswşılar köbeyip keledi. Osı rette memleket tarapınan jasalıp otırğan kepil­demelerge senimmen qarağan jurtşılıqtıñ burın esepke qospay jasırıp kelgen mülikterin jarïya etwge müddelik tanıtwda. Eñ bastısı – mülikti jarïya etw adam­dardıñ özderine de, memleket te tïimdi şara bolıp otır. Mülikti zañdastırw äli de jalğasa beredi.

Amanğalï QALJANOV

Pikir jazw

Poçtañız jarïyalanbaydı

20 − 15 =