جاريا ەتۋدىڭ جاي-جاپسارى

0 125

استانا قالاسى قارجى باسقارماسىنىڭ مالىمەتى بويىنشا جەرگىلىكتى اتقارۋشى ورگاندار جانىنداعى مۇلىكتى زاڭداستىرۋ جونىندەگى كو­ميسسيالارعا اعىمداعى جىل­دىڭ 14 ماۋسىمىنا دەيىن قازاقستان رەسپۋبليكاسى اۋ­ماعىندا ورنالاسقان مۇلىكتى جاريا ەتۋ بويىنشا جالپى سوماسى 90,7 ملرد تەڭگەگە با­عالاناتىن 6860 ءوتىنىش كەلىپ تۇسكەن.

100_naktyi_kadam

سونىڭ ىشىندە وتىنىشتەردى قابىلداۋ جاعىنان الماتى اۋدانىنىڭ اكىمدىگى كوش باسىندا كەلەدى.
وسى اۋدانعا 50,6 ملرد تەڭگە سوماسىنا 3220 ءوتىنىش كەلىپ تۇسكەن. سارىارقا اۋدانىنىڭ اكىمدىگىنە 2509 ءوتىنىش، ال ەسىل اۋدانىنىڭ اكىمدىگىنە 1131 ءوتىنىش جولدانعان. قارجىعا شاققاندا سومالارى دا سايكەسىنشە، 15,0 ملرد تەڭگە جانە 25,1 ملرد تەڭگەنى قۇرايدى.
وسىنىڭ ىشىندە كوميسسيالار تۇرعىن جايلار، تۇرعىن ەمەس جايلار (كوممەرتسيالىق نىسانداردى قوسقاندا) بويىنشا وتىنىشتەردى قاراپ، 2875 ءوتىنىش بويىنشا وڭ شەشىم شىعاردى. سوعان ساي 29,9 ملرد تەڭگەنىڭ 6254 نىسانى زاڭداستىرىلدى.
اتاپ ايتساق، 3263 تۇرعىن جاي (جالپى سوماسى 20,3 ملرد تەڭگە), 5,4 ملرد تەڭگەنىڭ 241 كوم­مەرتسيالىق نىسانىن قوسقاندا 2986 تۇرعىن ەمەس جاي (9,1 ملرد تەڭگە) جاريا ەتىلدى. وسىلاردىڭ ىشىندە 5 زاڭدى تۇلعانىڭ قاتىسۋ ۇلەسى 457,9 مىڭ تەڭگەنى قۇرادى.
مۇلىكتى زاڭداستىرۋ ناۋقانى باستاۋ العالى قارجىنى جاريا ەتۋ بويىنشا 276,3 ملرد تەڭگە سوماسىنا 151 ارنايى دەكلاراتسيا تاپسىرىلدى. سونداي-اق، 8110 مىڭ تەڭگەنىڭ قۇندى قاعازدارى جاريا ەتىلدى. بارلىق قابىلدانعان دەكلاراتسيالار بويىنشا قارجى ەكىنشى دەڭگەيلى بانكتەردە اشىل­عان اعىمداعى ەسەپشوتتارعا الىمدار تولەمىنسىز اۋدارىلىپ، زاڭداستىرىلدى.
جالپى، ەلىمىزدە جۇرگىزىلىپ جاتقان مۇلىكتى زاڭداستىرۋ ناۋ­قانىنا قاتىسۋشىلار كوبەيىپ كەلەدى. وسى رەتتە مەملەكەت تاراپىنان جاسالىپ وتىرعان كەپىل­دەمەلەرگە سەنىممەن قاراعان جۇرتشىلىقتىڭ بۇرىن ەسەپكە قوسپاي جاسىرىپ كەلگەن مۇلىكتەرىن جاريا ەتۋگە مۇددەلىك تانىتۋدا. ەڭ باستىسى – مۇلىكتى جاريا ەتۋ ادام­داردىڭ وزدەرىنە دە، مەملەكەت تە ءتيىمدى شارا بولىپ وتىر. مۇلىكتى زاڭداستىرۋ ءالى دە جالعاسا بەرەدى.

امانعالي قالجانوۆ

پىكىر جازۋ

پوچتاڭىز جاريالانبايدى

8 − four =